രാജ്യസഭാ തെരഞ്ഞെടുപ്പിൽ അഭിഷേക് മനു സിംഗ്വിയുടെ പരാജയത്തിന്റെ ഉത്തരവാദിത്വം ഹിമാചൽ മുഖ്യമന്ത്രി സുഖ്വിന്ദർ സിംഗ് സുഖു ഏറ്റെടുത്തുവെന്ന് കോൺഗ്രസ് ഹൈക്കമാൻഡ് നിരീക്ഷകനായെത്തിയ കർണാടക ഉപമുഖ്യമന്ത്രി ഡി.കെ. ശിവകുമാർ വാർത്താസമ്മേളനത്തിൽ പറഞ്ഞു. സുഖു മുഖ്യമന്ത്രിയായി തുടരുമോ എന്ന ചോദ്യത്തിന്, കോൺഗ്രസ് സർക്കാർ കാലാവധി പൂർത്തിയാക്കുമെന്നായിരുന്നു ശിവകുമാറിന്റെ മറുപടി.
ഹിമാചലിൽ ബിജെപിയുടെ വിമതനീക്കത്തിനു ചുക്കാൻ പിടിച്ചത് മുൻ പഞ്ചാബ് മുഖ്യമന്ത്രി അമരീന്ദർ സിംഗ് ആണെന്നു റിപ്പോർട്ടുണ്ട്. കോൺഗ്രസ് വിട്ട് ബിജെപിയിലെത്തിയ അമരീന്ദറിന് അയൽസംസ്ഥാനമായ ഹിമാചലിലും സ്വാധീനമുണ്ട്.