ജാർഖണ്ഡിൽ മേയ് നാലിനു കാലാവധി തീരുന്ന രണ്ടു സീറ്റുകളിൽ ഓരോന്നു വീതം ബിജെപിക്കും കോണ്ഗ്രസിനുമാണ്.
ജൂലൈ രണ്ടിന് കാലാവധി പൂർത്തിയാകുന്ന കേരളത്തിലെ മൂന്നു സീറ്റുകളിൽ രണ്ടിൽ എൽഡിഎഫിനും ഒന്നിൽ യുഡിഎഫിനും ജയിക്കാനാകും.
എളമരം കരീം, ബിനോയ് വിശ്വം, ജോസ് കെ. മാണി എന്നിവരുടെ കാലാവധിയാണ് അവസാനിക്കുക. ഇതിൽ യുഡിഎഫിനു ലഭിക്കുന്ന ഏക സീറ്റ് മുസ്ലിം ലീഗിന് വാഗ്ദാനം ചെയ്തിട്ടുണ്ട്. ഇതോടെ കേരളത്തിൽനിന്നുള്ള യുഡിഎഫിന്റെ മൂന്നു രാജ്യസഭാംഗങ്ങളും മുസ്ലിം സമുദായത്തിൽനിന്ന് ആകുമെന്നത് കോണ്ഗ്രസിനു തലവേദനയാകും.
കോണ്ഗ്രസിൽനിന്നു ജെബി മേത്തറും മുസ്ലിം ലീഗിൽനിന്ന് പി.വി. അബ്ദുൾ വഹാബുമാണ് നിലവിൽ യുഡിഎഫിലെ അംഗങ്ങൾ. എഐസിസി ജനറൽ സെക്രട്ടറി കെ.സി. വേണുഗോപാൽ രാജസ്ഥാനിൽനിന്നാണ് 2020ൽ രാജ്യസഭയിലെത്തിയത്.