പരീക്ഷയിലെ ശതമാനം മേലിൽ സിബിഎസ്ഇ ബോർഡ് കണക്കാക്കുകയോ പ്രഖ്യാപിക്കുകയോ അറിയിക്കുകയോ ചെയ്യില്ല.
വിദ്യാർഥികളിലെ അനാവശ്യ മത്സരവും മാനസിക സംഘർഷവും ഒഴിവാക്കാനാണു തീരുമാനമെന്നാണു വിശദീകരണം. ബോർഡ് പരീക്ഷകളിലെ വിദ്യാർഥികളുടെ ശതമാനം കണക്കാക്കുന്നതിനുള്ള മാനദണ്ഡം ചോദ്യം ചെയ്ത വിവിധ വ്യക്തികൾക്കുള്ള മറുപടിയായാണു സിബിഎസ്ഇ വിവരം അറിയിച്ചത്.
പത്ത്, 12 ക്ലാസുകളിലെ ബോർഡ് പരീക്ഷകളുടെ ഫലം പ്രഖ്യാപിക്കുന്പോൾ വിദ്യാർഥികളുടെ മെറിറ്റ് ലിസ്റ്റ് നൽകേണ്ടതില്ലെന്ന് സിബിഎസ്ഇ കഴിഞ്ഞ വർഷം തീരുമാനിച്ചിരുന്നു. 10, 12 ക്ലാസുകളിലെ പരീക്ഷകളിൽ ഉയർന്ന മാർക്ക് നേടിയവരെയും ബോർഡ് പ്രഖ്യാപിച്ചിരുന്നില്ല. സിബിഎസ്ഇ 10, 12 ക്ലാസുകളിലെ അടുത്ത ബോർഡ് പരീക്ഷകൾ ഫെബ്രുവരി 15 മുതലാണ് ആരംഭിക്കുക.