തൃ​ശൂ​ര്‍: രാ​ജ്യാ​ന്ത​ര ആ​ത്മീ​യ​സം​ഗീ​ത ആ​ല്‍ബ​മാ​യ ‘സ​ര്‍വേ​ശ’ ര​ണ്ടു ഗ്ലോ​ബ​ല്‍ മ്യൂ​സി​ക് അ​വാ​ര്‍ഡു​ക​ള്‍ നേ​ടി. ഗാ​നം ആ​ല​പി​ച്ച ഗാ​ന​ഗ​ന്ധ​ര്‍വ​ന്‍ കെ.​ജെ. യേ​ശു​ദാ​സ്, ആ​ല്‍ബ​ത്തി​നു സം​ഗീ​തം ന​ല്‍കി​യ പാ​ടും​പാ​തി​രി റ​വ. ഡോ. ​പോ​ള്‍ പൂ​വ​ത്തി​ങ്ക​ല്‍ സി​എം​ഐ, ഗ്രാ​മി അ​വാ​ര്‍ഡ് ജേ​താ​വും വ​യ​ലി​ന്‍ മാ​ന്ത്രി​ക​നു​മാ​യ മ​നോ​ജ് ജോ​ര്‍ജ് എ​ന്നി​വ​ര്‍ക്കാ​ണ് അ​വാ​ര്‍ഡ്.

ബെ​സ്റ്റ് കം​പോ​സി​ഷ​ന്‍, ബെ​സ്റ്റ് പ്രൊ​ഡ​ക്‌ഷ​ന്‍ എ​ന്നീ ര​ണ്ടു വി​ഭാ​ഗ​ങ്ങ​ളി​ലാ​ണ് ഗ്ലോ​ബ​ല്‍ മ്യൂ​സി​ക് അ​വാ​ര്‍ഡു​ക​ള്‍. ഗാ​ന​ര​ച​യി​താ​വ് പി.​സി. ദേ​വ​സ്യ, റി​ക്കി കേ​ജ്, രാ​കേ​ഷ് ചൗ​ര​സ്യ, ആ​ല്‍ബ​ത്തി​ല്‍ ആ​ല​പി​ച്ച നൂ​റു വൈ​ദി​ക​ര്‍, നൂ​റു ക​ന്യാ​സ്ത്രീ​ക​ള്‍, പി​ന്ന​ണി പ്ര​വ​ര്‍ത്ത​ക​ര്‍ എ​ന്നി​വ​രെ​യും ലോ​സ് ആ​ഞ്ച​ലസ് ഓ​ര്‍ക്ക​സ്ട്ര​യെ​യും പ​രാ​മ​ര്‍ശി​ച്ചു​കൊ​ണ്ടാ​ണ് ഗ്ലോ​ബ​ല്‍ മ്യൂ​സി​ക് അ​വാ​ര്‍ഡു പ്ര​ഖ്യാ​പി​ച്ചി​രി​ക്കു​ന്ന​ത്.


ആ​ഗോ​ള​ത​ല​ത്തി​ല്‍ ല​ഭി​ച്ച 22,000 എ​ന്‍ട്രി​ക​ളി​ല്‍നി​ന്നാ​ണ് ’സ​ര്‍വേ​ശ’ ആ​ല്‍ബം മി​ക​ച്ച​താ​യി തെ​ര​ഞ്ഞെ​ടു​ക്ക​പ്പെ​ട്ട​ത്. ക്ലാ​സി​ക്ക​ല്‍, ജാ​സ്, റോ​ക്ക്, ബ്ലൂ​സ്, വേ​ള്‍ഡ്, നാ​ടോ​ടി തു​ട​ങ്ങി​യ സം​ഗീ​ത​ങ്ങ​ളെ കൂ​ട്ടി​യി​ണ​ക്കി​യാ​ണ് ഈ ​ആ​ല്‍ബം ഒ​രു​ക്കി​യ​ത്. മ​നോ​ജ് ജോ​ര്‍ജ് ര​ണ്ടാം ത​വ​ണ​യാ​ണ് ഗ്ലോ​ബ​ല്‍ മ്യൂ​സി​ക് അ​വാ​ര്‍ഡ് നേ​ടു​ന്ന​ത്.

നാ​ലു മാ​സം മു​മ്പ് മ​നോ​ജ് ജോ​ര്‍ജും ഫാ. ​പോ​ള്‍ പൂ​വ​ത്തി​ങ്ക​ലും ചേ​ര്‍ന്ന് യു​ട്യൂ​ബി​ല്‍ അ​പ്‌​ലോ​ഡ് ചെ​യ്ത ആ​ല്‍ബം ഇ​തി​ന​കം 11 ല​ക്ഷ​ത്തി​ലേ​റെ പേ​ര്‍ ആ​സ്വ​ദി​ച്ചു. വ​ത്തി​ക്കാ​നി​ല്‍ ഫ്രാ​ന്‍സി​സ് മാ​ര്‍പാ​പ്പ​യാ​ണ് ആ​ല്‍ബം പ്ര​കാ​ശ​നം ചെ​യ്ത​ത്.