ഹാര്‍ട്ട് കെയര്‍ ഫൗണ്ടേഷൻ പുരസ്കാരം ഫാ. ഡേവിസ് ചിറമ്മലിന്
Wednesday, April 2, 2025 1:09 AM IST
കൊച്ചി: ഹാര്‍ട്ട് കെയര്‍ ഫൗണ്ടേഷന്‍റെ സോഷ്യല്‍ എക്‌സലന്‍സ് പുരസ്കാരം കിഡ്‌നി ഫെഡറേഷന്‍ ഓഫ് ഇന്ത്യ സ്ഥാപകന്‍ ഫാ. ഡേവിസ് ചിറമ്മലിന്.
ആറിന് കൊച്ചി ഐഎംഎ ഹൗസില്‍ നടക്കുന്ന ഹൃദയസംഗമത്തിന്‍റെ ഉദ്ഘാടന ചടങ്ങില്‍ ഗോവ ഗവര്‍ണര്‍ പി.എസ്. ശ്രീധരന്‍പിള്ള പുരസ്കാരം സമ്മാനിക്കുമെന്ന് ഫൗണ്ടേഷന്‍ ചെയര്‍മാന്‍ ഡോ. ജോസ് ചാക്കോ പെരിയപ്പുറം അറിയിച്ചു.
സ്വന്തം വൃക്ക ദാനം ചെയ്തത് ഉള്‍പ്പെടെ ഫാ. ചിറമ്മല്‍ നടത്തിയ ജീവകാരുണ്യ പ്രവര്‍ത്തനങ്ങള്‍ വിലയിരുത്തിയാണ് പുരസ്കാരം സമ്മാനിക്കുന്നത്. ഹൃദയ ശസ്ത്രക്രിയ കഴിഞ്ഞ രോഗികളുടെയും കുടുംബാംഗങ്ങളുടെയും ഒത്തുചേരലാണു ഹൃദയ സംഗമം. ഹൃദയാരോഗ്യത്തെ സംബന്ധിച്ചു വിദഗ്ധര്‍ നയിക്കുന്ന ക്ലാസ്, പാനല്‍ ചര്‍ച്ച എന്നിവയും ഉണ്ടാകും.