റ​വ. ഡോ. ​ജോ​സി കൊ​ല്ല​മ്മാ​ലി​ൽ സി​എം​ഐ

സ​മാ​ധാ​ന​മി​ല്ലാ​തെ​യും ക്ര​മ​മി​ല്ലാ​തെ​യും ദൈ​വ​ഭ​ക്തി​യി​ല്ലാ​തെ​യും നി​ത്യ​ര​ക്ഷ​യെ​ക്കു​റി​ച്ചു യാ​തൊ​രു ചി​ന്ത​യും ഇ​ല്ലാ​തെ​യു​മു​ള്ള ഒ​രു കു​ടും​ബ​ത്തി​ൽ ജീ​വി​ക്കു​ന്ന​ത് ഏ​റ്റ​വും വ​ലി​യ സ​ങ്ക​ട​ക​രം.

ഇ​ത്ത​രം കു​ടും​ബ​ങ്ങ​ൾ വ​ലി​യ സ​ങ്ക​ട​ങ്ങ​ൾ​ക്കും ക​ണ്ണു​നീ​രി​നും കാ​ര​ണ​മാ​കു​ന്നു. കു​ടും​ബ​ത്തി​നൊ​രു ച​ട്ട​മു​ണ്ട്, ക്ര​മ​മു​ണ്ട്. അ​തി​ല്ലാ​ത്ത​തി​നാ​ൽ പ്ര​സി​ദ്ധി​യു​ള്ള​തും ബ​ഹു​മാ​ന​മു​ള്ള​തും സ​ന്പ​ത്തു​ള്ള​തു​മാ​യ എ​ത്ര​യോ കു​ടും​ബ​ങ്ങ​ൾ ന​ശി​ച്ചു പോ​യി​രി​ക്കു​ന്നു.

കു​ടും​ബ​ത്തി​ൽ ദൈ​വ​ഭ​ക്തി​യും സ്നേ​ഹ​വു​മി​ല്ലാ​ത്ത​തി​നാ​ൽ എ​ത്ര​യോ വ​ഴ​ക്കു​ക​ളും പാ​പ​ങ്ങ​ളും എ​ത്ര​യോ നാ​ശ​ങ്ങ​ളും എ​ത്ര​യോ മ​ര​ണ​ങ്ങ​ളും ഉ​ണ്ടാ​യി​രി​ക്കു​ന്നു​വെ​ന്ന് ചാ​വ​റ​യ​ച്ച​ൻ ചൂ​ണ്ടി​ക്കാ​ട്ടു​ന്നു. കെ​ട്ടി​യു​ണ്ടാ​ക്കി​യ​താ​ണ് കെ​ട്ടി​ടം. വീ​ട്ടി​ലു​ള്ള​വ​രെ​ല്ലാം ഒ​ന്നി​ച്ചു​കൂ​ടു​ന്പോ​ൾ ഇ​ന്പ​മു​ണ്ടാ​കു​ന്ന ഒ​ന്നാ​ണ് കു​ടും​ബം. വീ​ടു​ക​ൾ പ​ല​പ്പോ​ഴും കെ​ട്ടി​ട​ങ്ങ​ളാ​യി മാ​ത്രം നി​ല​നി​ൽ​ക്കു​ന്നു എ​ന്നാ​ൽ, അ​വ കു​ടും​ബ​ങ്ങ​ളാ​യി മാ​റ​ണം.

പലരായവർ

വീ​ട്ടി​ലു​ള്ള​വ​ർ ത​മ്മി​ൽ സ്നേ​ഹം, സ​ഹ​ക​ര​ണം, ബ​ഹു​മാ​നം എ​ന്നി​വ ഉ​ണ്ടാ​വ​ണം. ദൈ​വ​ഭ​ക്തി​യി​ൽ വ​ള​ര​ണം. നി​ത്യ​ര​ക്ഷ ല​ക്ഷ്യ​മാ​ക്കി ജീ​വി​ക്കു​ക​യും വേ​ണം. ഏ​തു കു​ടും​ബ​ത്തി​ന്‍റെ​യും നി​ല​നി​ൽ​പ്പി​ന് അ​ടി​സ്ഥാ​നം കു​ടും​ബാം​ഗ​ങ്ങ​ൾ ത​മ്മി​ലു​ള്ള സ്നേ​ഹ​വും ദൈ​വ​ഭ​ക്തി​യു​മാ​ണ്.

ര​ണ്ടാ​യ​വ​രെ, പ​ല​രാ​യ​വ​രെ സു​ഖ​ത്തി​ലും ദുഃ​ഖ​ത്തി​ലും സ​ന്പ​ത്തി​ലും ദാ​രി​ദ്ര്യ​ത്തി​ലും ഒ​ന്നാ​യി, ഒ​രാ​ളാ​യി മാ​റ്റു​ന്ന അ​ദൃ​ശ്യ​മെ​ങ്കി​ലും അ​തി​ശ​ക്ത​മാ​യ പ​ട്ടു​നൂ​ൽ. ആ ​നൂ​ലി​ന്‍റെ വ​ല​ക്ക​ണ്ണി​ക​ളാ​ണ് കു​ടും​ബ​ത്തെ ത​ക​രാ​തെ, ത​ള​ർ​ന്നാ​ലും വീ​ഴാ​തെ കാ​ത്തുസൂ​ക്ഷി​ക്കു​ന്ന​ത്. ആ ​ഇ​ഴ​ക​ൾ അ​യ​ഞ്ഞാ​ൽ, പൊ​ട്ടി​യാ​ൽ കു​ടും​ബം ചെ​റു​കാ​റ്റി​ൽ പോ​ലും ചീ​ട്ടു​കൊ​ട്ടാ​രം​പോ​ലെ ഛിന്ന​ഭി​ന്ന​മാ​കും.


ദുഃ​ഖ​ങ്ങ​ളു​ടെ​താ​യ ഈ ​ലോ​ക​ത്തി​ൽ മ​ധു​ര​മു​ള്ള ആ​ശ്വാ​സ​വും സ​മാ​ധാ​ന​വും സ്വ​സ്ഥ​ത​യും പ്ര​ദാ​നം ചെ​യ്യു​ന്ന​താ​ണ് കു​ടും​ബാം​ഗ​ങ്ങ​ൾ ത​മ്മി​ലു​ള്ള സ്നേ​ഹം എ​ന്ന് ചാ​വ​റ​യ​ച്ച​ൻ ഓ​ർ​മി​പ്പി​ക്കു​ന്നു. ഒ​രു കു​ടും​ബ​ത്തി​ലു​ള്ള​വ​രെ​ല്ലാം സ്വ​ർ​ഗ​ത്തി​ൽ പോ​ക​ണം. ആ ​ല​ക്ഷ്യം നേ​ട​ണ​മെ​ങ്കി​ൽ കു​ടും​ബം ന​ന്നാ​ക​ണം. സ്നേ​ഹം, സ​മാ​ധാ​നം, ദൈ​വ​ഭ​ക്തി ഈ ​ഗു​ണ​ങ്ങ​ളു​ള്ള കു​ടും​ബാം​ഗ​ങ്ങ​ളെ​ല്ലാ​വ​രും നി​ത്യ​ര​ക്ഷ​യെ​പ്പ​റ്റി ചി​ന്തി​ച്ചു ജീ​വി​ക്കും.

ഒ​ന്നി​ച്ചി​രു​ന്നാ​ൽ

കു​ടും​ബം പോ​റ്റാ​ൻ ചോ​ര​യും നീ​രും ഒ​ഴു​ക്കി ക​ഷ്ട​പ്പെ​ട്ടാ​ൽ മാ​ത്രം പോ​രാ, കു​ടും​ബ​നാ​ഥ​നി​ലൂ​ടെ​യും കു​ടും​ബ​നാ​ഥ​യി​ലൂ​ടെ​യും ദൈ​വാ​നു​ഗ്ര​ഹം കു​ടും​ബ​ത്തി​ലേ​ക്കൊ​ഴു​ക​ണം. ഐ​ശ്വ​ര്യ​വും സ​മാ​ധാ​ന​വും ഇ​വ​രി​ലൂ​ടെ​യാ​ണ് ഒ​രു കു​ടും​ബം കൈ​വ​രി​ക്കേ​ണ്ട​ത്. ഇ​വ​ർ അ​തി​നു പ​രി​ശ്ര​മി​ക്കു​ന്നി​ല്ലെ​ങ്കി​ൽ കു​ടും​ബ​ജീ​വി​ത​ത്തി​ന് എ​ന്ത​ർ​ഥ​മെ​ന്നു കു​ടും​ബ​നാ​ഥ​ന്മാ​രും കു​ടും​ബ​നാ​ഥ​മാ​രും സ്വ​യം ചോ​ദി​ക്ക​ണം: കു​ടും​ബ​ത്തി​ൽ എ​ല്ലാ​വ​രും ഒ​ന്നി​ച്ചി​രു​ന്നു പ്രാ​ർ​ഥി​ക്കു​ന്പോ​ൾ അ​വി​ടെ ദൈ​വാ​നു​ഗ്ര​ഹം നി​ല​നി​ൽ​ക്കു​ന്നു.

എ​ല്ലാ​വ​രും​കൂ​ടി ഒ​ന്നി​ച്ചി​രു​ന്നു ഭ​ക്ഷി​ക്കു​ന്പോ​ഴും സം​സാ​രി​ക്കു​ന്പോ​ഴും മ​ന​സി​ലെ കെ​ട്ടു​ക​ളും ദുഃ​ഖ​ങ്ങ​ളും തെ​റ്റി​ദ്ധാ​ര​ണ​ക​ളും സം​ശ​യ​ങ്ങ​ളും മാ​റി സ​മാ​ധാ​ന​വും സ​ന്തോ​ഷ​വും കൈ​വ​രു​ന്നു. അ​ങ്ങ​നെ​യെ​ങ്കി​ൽ നി​ത്യ​ജീ​വ​നി​ലേ​ക്കു​ള്ള വ​ഴി​യി​ലേ​ക്ക് ആ ​കു​ടും​ബാം​ഗ​ങ്ങ​ൾ ഒ​ന്ന​ട​ങ്കം പ്ര​വേ​ശി​ക്കു​ന്നു. ദൈ​വ​സ​ന്നി​ധി​യി​ൽ എ​ത്തി​ച്ചേ​ര​ണ​മെ​ന്ന ആ​ഗ്ര​ഹ​ത്താ​ൽ ജീ​വി​ക്കു​ന്ന കു​ടും​ബ​ങ്ങ​ളി​ൽ കാ​ണാ​വു​ന്ന പ്ര​ത്യേ​ക​ത​ക​ളാ​ണ് സ​ന്തോ​ഷ​വും സ​മാ​ധാ​ന​വും സ്നേ​ഹ​വും ഐ​ശ്വ​ര്യ​വു​മെ​ല്ലാം.

(തു​ട​രും)