ക്രൈസ്തവവിശ്വാസത്തെ അവഹേളിക്കുന്ന സിനിമകള്‍ നിരോധിക്കണം: കത്തോലിക്ക കോണ്‍ഗ്രസ്
Wednesday, April 2, 2025 1:09 AM IST
കൊച്ചി: ക്രൈസ്തവ വിശ്വാസത്തെ അവഹേളിക്കുന്ന സിനിമകള്‍ അടുത്തകാലത്തായി വര്‍ധിച്ചുവരികയാണെന്നും ഇതിന്‍റെ പിന്നിലുള്ള സംഘടിത ഗൂഢശക്തികളെ വെളിച്ചത്തു കൊണ്ടുവരണമെന്നും അവ നിരോധിക്കണമെന്നും കത്തോലിക്ക കോണ്‍ഗ്രസ് ഗ്ലോബല്‍ കള്‍ച്ചറല്‍ ഫോറം. ഇവയുടെ ഫണ്ടിംഗ് കേന്ദ്ര സര്‍ക്കാര്‍ കൃത്യമായി അന്വേഷിക്കണമെന്നു കത്തോലിക്ക കോണ്‍ഗ്രസ് ആവശ്യപ്പെട്ടു.
‘എമ്പുരാന്‍’എന്ന സിനിമയിലുടനീളം ദൈവത്തിനു മുകളില്‍ സാത്താനെ പ്രതിഷ്ഠിച്ചിരിക്കുകയാണെന്നും യോഗം വിലയിരുത്തി.
യോഗത്തില്‍ കത്തോലിക്ക കോണ്‍ഗ്രസ് ഗ്ലോബല്‍ പ്രസിഡന്‍റ് രാജീവ് കൊച്ചുപറമ്പില്‍ അധ്യക്ഷത വഹിച്ചു. ഡയറക്ടര്‍ ഫാ. ഫിലിപ്പ് കവിയില്‍, ജനറല്‍ സെക്രട്ടറി ഡോ. ജോസുകുട്ടി ജെ. ഒഴുകയില്‍ തുടങ്ങിയവർ പ്രസംഗിച്ചു.