വി. ശൈലേഷിനും ശ്രീകാന്ത് പി. നായർക്കും ഷോർട്ട്ഫിലിം അവാർഡ്
Tuesday, October 22, 2024 2:13 AM IST
കൊച്ചി: തിരുവനന്തപുരം വൈലോപ്പിള്ളി സ്മാരകഭവൻ ഏർപ്പെടുത്തിയ സൗത്ത് ഇന്ത്യൻ ഷോർട്ട് ഫിലിം ടെലിവിഷൻ അവാർഡുകൾ പ്രഖ്യാപിച്ചു.
പ്രവാസി വിഭാഗത്തിൽ മികച്ച സംവിധായകനായി വി. ശൈലേഷിനെ തെരഞ്ഞെടുത്തു. നത്തിംഗ്നെസ്, ഓൺ ടൈം മുതലായ ഹ്രസ്വചിത്രങ്ങളാണു പുരസ്കാരത്തിന് അർഹനാക്കിയത്.
ഓൺ ടൈം, അരികെ എന്നീ ഹ്രസ്വ ചിത്രങ്ങളിലെ അഭിനയത്തിന് ശ്രീകാന്ത് പി. നായർ മികച്ച നടനുള്ള പുരസ്കാരം നേടി. ഇരുവരും അധ്യാപകരാണ്. വിവിധ വിഭാഗങ്ങളിലായി 200ഓളം ഷോർട്ട്ഫിലിമുകളാണ് മത്സരത്തിലുണ്ടായിരുന്നത്. നവംബർ 20ന് തിരുവനന്തപുരത്തു അവാർഡുകൾ വിതരണം ചെയ്യും.