ഷാജന്‍ സ്‌കറിയയെ അറസ്റ്റ് ചെയ്തു വിട്ടയച്ചു
Tuesday, October 22, 2024 2:13 AM IST
കൊച്ചി: കുന്നത്തുനാട് എംഎല്‍എ പി.വി. ശ്രീനിജനെ ഓണ്‍ലൈന്‍ ചാനല്‍ മുഖേന അധിക്ഷേപിച്ച മറുനാടന്‍ മലയാളി യുട്യൂബ് ചാനല്‍ ഉടമ ഷാജന്‍ സ്‌കറിയയെ അറസ്റ്റ് ചെയ്തു വിട്ടയച്ചു. എംഎല്‍എയുടെ പരാതിയില്‍ സെന്‍ട്രല്‍ എസിപി അന്വേഷണം നടത്തിവരുന്ന കേസിലാണ് അറസ്റ്റ്.
സുപ്രീംകോടതിയില്‍നിന്ന് മുന്‍കൂര്‍ ജാമ്യം ലഭിച്ച ഷാജന്‍ സ്‌കറിയയ്ക്ക് അന്വേഷണ ഉദ്യോഗസ്ഥന് മുമ്പാകെ ഹാജരാകുന്നതിന് നോട്ടീസ് നൽകിയിരുന്നു.
ഇതിന്‍റെ അടിസ്ഥാനത്തില്‍ അഭിഭാഷകനൊപ്പം ഇന്നലെ രാവിലെ സെന്‍ട്രല്‍ എസിപി ഓഫീസില്‍ ഹാജരായ ഷാജന്‍റെ അറസ്റ്റ് രേഖപ്പെടുത്തിയശേഷം സ്റ്റേഷൻ ജാമ്യത്തില്‍ വിട്ടയയ്ക്കുകയായിരുന്നു.