ലോഡ്ജ് കേന്ദ്രീകരിച്ചു പ്രവർത്തിക്കുന്ന വൻ പെൺവാണിഭ സംഘം പിടിയിൽ
Tuesday, October 22, 2024 2:13 AM IST
ആലുവ: ദേശീയപാത ബൈപ്പാസിനു സമീപം ലോഡ്ജ് കേന്ദ്രീകരിച്ചു പ്രവർത്തിച്ചുവന്ന വൻ പെൺവാണിഭ സംഘം പിടിയിൽ.
ഏഴു സ്ത്രീകളും അഞ്ചു പുരുഷന്മാരുമടക്കം 12 പേരെ ലോഡ്ജിൽനിന്ന് റൂറൽ എസ്പിയുടെ ഡാൻസാഫ് സംഘം അറസ്റ്റ് ചെയ്തു.
മയക്കുമരുന്ന് പാർട്ടി നടക്കുന്നുവെന്ന് റൂറൽ എസ്പിക്കു ലഭിച്ച രഹസ്യവിവരത്തിന്റെ അടിസ്ഥാനത്തിലാണു പരിശോധന നടത്തിയത്. റെയ്ഡിൽ അനാശാസ്യ സംഘമാണു പിടിയിലായത്. മൂന്നു മുറികളിൽനിന്നായി ഏഴു സ്ത്രീകൾ, മൂന്ന് ഇടപാടുകാർ, ആലുവ സ്വദേശികളായ രണ്ടു നടത്തിപ്പുകാർ എന്നിവരാണു പിടിയിലായത്.
വാണി, ഷീന, സുനിത, ഷഹന, വിജി, മനു രാജ്, സായിഫ, ഷിജി, ഷൈനി. സാബിത് , അമൽ , ലിബിൻ എന്നിവരെയാണ് അറസ്റ്റ് ചെയ്തത്. മുറിയുടെ വാതിൽ തകർത്താണു പോലീസ് അകത്തു കടന്നത്. നിരവധി മൊബെൽ ഫോണുകൾ, മദ്യം , ചെറിയ അളവിൽ ലഹരിമരുന്ന് എന്നിവയും മുറികളിൽനിന്നു കണ്ടെടുത്തിട്ടുണ്ട്.