മേജര് ആര്ച്ച്ബിഷപ് കര്ദിനാള് മാര് ബസേലിയോസ് ക്ലീമിസ് കാതോലിക്കാ ബാവായാണ് അവാര്ഡ് പ്രഖ്യാപിച്ചത്.
രാജ്യത്തെ ആയിരക്കണക്കിന് യുവാക്കള് തൊഴില് അന്വേഷിച്ചു വിദേശത്തേക്ക് പോകുന്ന ഇന്നത്തെ സാഹചര്യത്തില് ആയിരക്കണക്കിന് യുവാക്കള്ക്ക് നാട്ടില്ത്തന്നെ തൊഴിലവസരങ്ങള് സൃഷ്ടിക്കുന്നതിന് ക്രിസ് ഗോപാലകൃഷ്ണന്റെ നേതൃത്വത്തില് നടത്തിയിട്ടുള്ള പരിശ്രമങ്ങളെ കാതോലിക്കാ ബാവാ പ്രത്യേകം പ്രശംസിച്ചു.
ക്രിസ് ഗോപാലകൃഷ്ണന്റെ ഈ മേഖലയിലെ സംഭാവനകള് പരിഗണിച്ചാണ് അവാര്ഡിന് തെരഞ്ഞെടുത്തത്. തിരുവനന്തപുരത്തുവച്ച് അവാര്ഡ് പിന്നീട് സമ്മാനിക്കും.