വിദ്യാഭ്യാസ ഓഫീസുകളിലെ കാലതാമസം ഇനി ശന്പളബില്ലുകളെ ബാധിക്കും. സംസ്ഥാനത്തെ ഒട്ടനവധി വിദ്യാഭ്യാസ ഓഫീസുകൾ നാഥനില്ലാ കളരികളാണ്. ഇക്കൊല്ലം എഇഒമാരുടെ ട്രാൻസ്ഫർ, പ്രമോഷൻ നടപടികൾ ഇതേവരെ പൂർത്തീകരിച്ചിട്ടില്ല. നാല്പതിലധികം ഒഴിവുകൾ ഇപ്പോഴും നികത്തിയിട്ടില്ല. സൂപ്രണ്ടുമാരാണ് പലയിടത്തും വിദ്യാഭ്യാസ ഓഫീസർമാരുടെ ചുമതല വഹിക്കുന്നത്.
വിദ്യാഭ്യാസ ഓഫീസർമാരെ ഇടയ്ക്കുവച്ച് മാറ്റാറുണ്ട്. ഇവരുടെ നിയമനത്തിലെ കാലതാമസം, വിരമിക്കൽ എന്നിവയെല്ലാം ശന്പളബില്ലുകളെ ബാധിക്കും. ഓരോ നിയമനത്തിനുശേഷവും ഡിജിറ്റൽ ഒപ്പ് തയാറാക്കി അംഗീകാരം വാങ്ങേണ്ടിവരും. ഇത്തരത്തിലുണ്ടാകുന്ന കാലതാമസത്തിലൂടെ എയ്ഡഡ് സ്ഥാപനങ്ങളിലെ അധ്യാപകരുടെ ശന്പളം തടയപ്പെടാം.