ബിരുദാനന്തര ബിരുദ പ്രവേശനത്തിന് 50 ശതമാനം മാർക്കോടെ (പട്ടികവിഭാഗത്തിന് 45 ശതമാനം)/തത്തുല്യ ഗ്രേഡോടെയുള്ള, എൽഎൽബി/തത്തുല്യയോഗ്യത വേണം. 2025 ഏപ്രിൽ/മേയ് മാസങ്ങളിൽ, യോഗ്യതാപരീക്ഷ അഭിമുഖീകരിക്കുന്നവർക്കും അപേക്ഷിക്കാം. പ്രവേശനസമയത്ത് യോഗ്യത തെളിയിക്കണം.
പ്രവേശന പരീക്ഷ പ്രവേശന പരീക്ഷ ഡിസംബർ ഒന്നിന് ഉച്ചകഴിഞ്ഞ് രണ്ടു മുതൽ നാലു വരെ നടത്തും. കേരളത്തിലും പരീക്ഷയെഴുതാം. പൊതുപ്രവേശന പരീക്ഷയിൽ അഞ്ച് വിഭാഗങ്ങളുണ്ട്. ഇതിൽ 120 മൾട്ടിപ്പിൾ ചോയ്സ് ചോദ്യങ്ങൾ; 120 മാർക്ക്. തെറ്റൊന്നിന് കാൽ മാർക്ക് കുറയ്ക്കും.
1) ഇംഗ്ലീഷ് ഭാഷ (22-26 ചോദ്യം)
2)ആനുകാലികസംഭവങ്ങളടക്കം പൊതുവിജ്ഞാനം (28-32 ചോദ്യം)
3) ലീഗൽ റീസണിംഗ് (28-32 ചോദ്യം)
4) ലോജിക്കൽ റീസണിംഗ് (22-26 ചോദ്യം)
5) ക്വാണ്ടിറ്റേറ്റിവ് ടെക്നിക്സ് (10-14 ചോദ്യം)
അപേക്ഷ സമർപ്പണം consortiumofnlus.ac.in വഴി ഒക്ടോബർ 15ന് രാത്രി 11.59 വരെ അപേക്ഷിക്കാം. അപേക്ഷാഫീസ് 4000 രൂപ (പട്ടികവിഭാഗക്കാർ/ദാരിദ്ര്യരേഖയ്ക്കു താഴെയുള്ളവർ എന്നിവർക്ക് 3500 രൂപ) ഈ സമയപരിധിക്കകം ഓണ്ലൈനായി അടയ്ക്കണം. മുൻവർഷങ്ങളിലെ ചോദ്യപ്പേപ്പറുകൾ 500 രൂപ അധികമായടച്ച് വാങ്ങാം.