ഷിരൂർ ഉൾപ്പെടെയുള്ള കൊങ്കൺ മേഖലയിൽ തുടരുന്ന കനത്ത മഴയ്ക്ക് ഇന്നലെയും ശമനമുണ്ടായില്ല. ദുരന്തമുണ്ടായ സ്ഥലത്തിനു സമീപം വീണ്ടും മലയിടിച്ചിലുമുണ്ടായി. പുഴയിലെ ഒഴുക്കിന്റെ വേഗം ഇന്നലെ എട്ട് നോട്ടിക്കൽ മൈൽ വരെയെത്തി. കഴിഞ്ഞ ദിവസം ഇത് ആറ് നോട്ടിക്കൽ മൈലായിരുന്നു.
അർജുൻ ഉൾപ്പെടെ ദുരന്തത്തിൽപ്പെട്ട മൂന്നു പേരെയാണ് ഇനി കണ്ടെത്താനുള്ളത്. ഇവരിലാരെങ്കിലും നേരത്തേ ഹോട്ടൽ നിലനിന്നിരുന്ന ഭാഗത്ത് വീണുപോയിരിക്കുമോ എന്ന് പരിശോധിക്കുന്നതിനായി ലോംഗ് ബൂം എസ്കവേറ്റർ ഉപയോഗിച്ച് ഈ ഭാഗത്തെ മണ്ണ് നീക്കുന്ന പ്രവർത്തനവും നടക്കുന്നുണ്ട്.