ചോ​ർ​ച്ച ആ​ദ്യ​മാ​യി ന​ട​ന്ന​ത് എ​പ്പോൾ, ചോ​ർ​ത്ത​പ്പെ​ട്ട ചോ​ദ്യ​പേ​പ്പ​ർ പ്ര​ച​രി​പ്പി​ച്ച രീ​തി, ചോ​ർ​ച്ച ന​ട​ന്ന ദി​വ​സ​വും പ​രീ​ക്ഷ ന​ട​ന്ന ദി​വ​സ​വും ത​മ്മി​ലു​ള്ള സ​മ​യ​ദൈ​ർ​ഘ്യം എ​ത്ര എ​ന്നീ കാ​ര്യ​ങ്ങ​ളി​ൽ വി​ശ​ദീ​ക​ര​ണം ന​ൽ​കാ​നും സു​പ്രീം​കോ​ട​തി എ​ൻ​ടി​എ​യോ​ട് ആ​വ​ശ്യ​പ്പെ​ട്ടു. ഈ ​വി​വ​ര​ങ്ങ​ളു​ടെ​യെ​ല്ലാം അ​ടി​സ്ഥാ​ന​ത്തി​ലാ​യി​രി​ക്കും പു​നഃ​പ​രീ​ക്ഷാകാ​ര്യ​ത്തി​ൽ കോ​ട​തി നി​ല​പാ​ട് വ്യ​ക്ത​മാ​ക്കു​ക. ചോ​ർ​ച്ച​യു​ടെ ഗു​ണ​ഭോ​ക്താ​ക്ക​ളെ​യും സെ​ന്‍റ​റു​ക​ളെ​യും തി​രി​ച്ച​റി​യാ​ൻ എ​ൻ​ടി​എ സ്വീ​ക​രി​ച്ച ന​ട​പ​ടി​ക​ൾ എ​ന്താ​ണെ​ന്നും കോ​ട​തി​യെ അ​റി​യി​ക്ക​ണം.

ബി​ഹാ​റി​ലെ പാ​റ്റ്ന​യി​ൽ ചോ​ദ്യ​പേ​പ്പ​ർ ചോ​ർ​ച്ച സം​ഭ​വി​ച്ചു​വെ​ന്ന് കേ​ന്ദ്ര​സ​ർ​ക്കാ​രി​നു​വേ​ണ്ടി ഹാ​ജ​രാ​യ സോ​ളി​സി​റ്റ​ർ ജ​ന​റ​ൽ തു​ഷാ​ർ മേ​ത്ത സ​മ്മ​തി​ച്ചു. നീ​റ്റ് ചോ​ദ്യ​പേ​പ്പ​ർ ചോ​ർ​ന്നു​വെ​ന്ന​ത് വാ​സ്ത​വ​മ​ല്ലേ​യെ​ന്ന സു​പ്രീം​കോ​ട​തി​യു​ടെ ചോ​ദ്യ​ത്തോ​ടു പ്ര​തി​ക​രിച്ചാണ് അ​ദ്ദേ​ഹം ഇക്കാര്യം സമ്മതിച്ചത്. ഇ​തു​മാ​യി ബ​ന്ധ​പ്പെ​ട്ട പ്ര​തി​യെ​യും ഇ​ത് ഉ​പ​യോ​ഗി​ച്ച​വ​രെ​യും അ​റ​സ്റ്റ് ചെ​യ്തി​ട്ടു​ണ്ടെ​ന്നും സോ​ളി​സി​റ്റ​ർ ജ​ന​റ​ൽ ബോധിപ്പിച്ചു.

അ​തേ​സ​മ​യം, പ​രീ​ക്ഷ റ​ദ്ദാ​ക്കി വീ​ണ്ടും പ​രീ​ക്ഷ ന​ട​ത്ത​ണ​മെ​ന്ന് ഉ​ദ്യോ​ഗാ​ർ​ഥി​ക​ൾ​ക്കു​വേ​ണ്ടി ഹാ​ജ​രാ​യ മു​തി​ർ​ന്ന അ​ഭി​ഭാ​ഷ​ക​ൻ ഹൂ​ഡ കോ​ട​തി​യി​ൽ ആ​വ​ശ്യ​പ്പെ​ട്ടു.

പ​രീ​ക്ഷ ന​ട​ന്ന മേ​യ് അ​ഞ്ചി​നു തൊ​ട്ടു​മു​ന്പ് ടെ​ലി​ഗ്രാം വ​ഴി ഇ​ക്കാ​ര്യം വെ​ളി​പ്പെ​ട്ട​താ​യും മു​ന്പൊ​രി​ക്ക​ലും സം​ഭ​വി​ക്കാ​ത്ത​വി​ധം വി​ദ്യാ​ർ​ഥി​ക​ൾ​ക്ക് ഉ​യ​ർ​ന്ന മാ​ർ​ക്ക് ല​ഭി​ച്ച​താ​യും അ​ദ്ദേ​ഹം ചൂ​ണ്ടി​ക്കാ​ട്ടി.

തെ​റ്റ് ചെ​യ്ത​വ​ർ ആ​രാ​ണെ​ന്നു കൃ​ത്യ​മാ​യി തി​രി​ച്ച​റി​യാ​ൻ സാ​ധി​ച്ചി​ല്ലെ​ങ്കി​ൽ പ​രീ​ക്ഷ റ​ദ്ദാ​ക്ക​ണ​മെ​ന്നും അ​ദ്ദേ​ഹം പ​റ​ഞ്ഞു. എ​ന്നാ​ൽ, പ​രീ​ക്ഷാ ക്ര​മ​ക്കേ​ടു​ക​ളെ​ന്ന് ആ​രോ​പി​ക്ക​പ്പെ​ടു​ന്ന എ​ല്ലാ സം​ഭ​വ​ങ്ങ​ളും പേ​പ്പ​ർ ചോ​ർ​ച്ച​യു​മാ​യി ബ​ന്ധ​പ്പെ​ട്ട കേ​സു​ക​ള​ല്ലെ​ന്ന് തു​ഷാ​ർ മേ​ത്ത വാ​ദി​ച്ചു.

പു​നഃ​പ​രീ​ക്ഷ​യ്ക്ക് ഉ​ത്ത​ര​വി​ടു​ന്ന​തി​നു​മു​ന്പ് ക്ര​മ​ക്കേ​ടു​ക​ൾ വ്യാ​പ​ക​മാ​യി സം​ഭ​വി​ച്ചു​വെ​ന്ന് ബോ​ധ്യ​പ്പെ​ട​ണ​മെ​ന്ന് കോ​ട​തി ഊ​ന്നി​പ്പ​റ​ഞ്ഞു.

അ​തേ​സ​മ​യം ചോ​ർ​ന്ന ചോ​ദ്യ​പേ​പ്പ​ർ സോ​ഷ്യ​ൽ മീ​ഡി​യ​യി​ലോ ടെ​ലി​ഗ്രാ​മി​ലോ വാ​ട്ട്സ്ആ​പ്പി​ലോ ആ​ണെ​ന്നു ക​ണ്ടെ​ത്തി​യാ​ൽ ചോ​ർ​ച്ച​യു​ടെ വ്യാ​പ്തി കൂ​ടു​മെ​ന്നും കോ​ട​തി നിരീക്ഷിച്ചു. വി​ഷ​യ​ത്തി​ൽ വ​ലി​യ ആ​ശ​ങ്ക​ക​ൾ ഉ​ണ്ടെ​ന്ന് ചീ​ഫ് ജ​സ്റ്റീ​സ് വ്യ​ക്ത​മാ​ക്കി.