പുതിയ സർക്കാർ അധികാരത്തിലേറിയതിനുശേഷം മാത്രമേ നിയമസഭയിലേക്ക് അംഗങ്ങളെ നാമനിർദേശം ചെയ്യാറുള്ളൂ. വോട്ട് എണ്ണുന്നതിനുമുന്പ് അംഗങ്ങളെ നാമനിർദേശം ചെയ്യാനുള്ള നീക്കം ജനവിധിയോടുള്ള വഞ്ചനയാണ്. പല്ലും നഖവും ഉപയോഗിച്ച് കോൺഗ്രസ് ഈ നീക്കത്തിനെതിരേ പോരാടും. തെരഞ്ഞെടുപ്പ് തങ്ങൾക്ക് അനുകൂലമാക്കാനാണു ബിജെപിയുടെ നീക്കം.
സർക്കാർ രൂപീകരിക്കാനുള്ള മാർഗങ്ങൾ ഇല്ലെങ്കിലും സംഖ്യയിൽ കൃത്രിമം കാണിക്കാനുള്ള ബിജെപിയുടെ വ്യഗ്രതയാണ് ഇതു കാണിക്കുന്നത്-രവീന്ദർ ശർമ പറഞ്ഞു.
തെരഞ്ഞെടുപ്പിനുശേഷം രൂപീകരിക്കുന്ന മന്ത്രിസഭയുടെ ഉപദേശപ്രകാരംമാത്രമേ ഗവർണർക്ക് ഇപ്രകാരം ചെയ്യാൻ അനുമതിയുള്ളൂവെന്നും അദ്ദേഹം ചൂണ്ടിക്കാട്ടി.