ജയിലധികൃതരുടെ നടപടിക്കെതിരേ ആംആദ്മി നേതാക്കൾ നേരത്തേ രംഗത്തുവന്നിരുന്നു. ടൈപ്പ് 2 പ്രമേഹരോഗിയായ കേജരിവാളിന് ഇൻസുലിൻ നൽകാൻ ജയിലധികൃതർ വിസമ്മതിക്കുന്നതായി ഡൽഹി മന്ത്രി അതിഷി മാർലേന ആരോപിച്ചു.
അതേസമയം, കേജരിവാളിനെ അദ്ദേഹത്തിന്റെ ഭാര്യ സുനിതയുടെ ആവശ്യപ്രകാരം എയിംസിലെ സീനിയർ ഡോക്ടർ വീഡിയോ കോണ്ഫറൻസിംഗിലൂടെ കണ്ട് പരിശോധിച്ചതായി ജയിലധികൃതർ വ്യക്തമാക്കി. വിശദമായ പരിശോധനയ്ക്കുശേഷം ആശങ്കപ്പെടാനൊന്നുമില്ലെന്ന് ഡോക്ടർ കേജരിവാളിനെ അറിയിച്ചതായും നിർദേശിച്ച മരുന്നുകൾ തുടരാൻ ആവശ്യപ്പെട്ടതായും അധികൃതർ പറഞ്ഞു.