1951 മേയ് 17ന് ഗുജറാത്തിലെ ജേത്പുരിലാണ് പങ്കജ് ഉധാസിന്റെ ജനനം. സഹോദരങ്ങളായ നിർമൽ ഉധാസും മൻഹർ ഉധാസും ഗസൽഗായകരാണ്. പിതാവ് കേശുഭായി ഉധാസ് വീണവാദകനായിരുന്നു.
രാജ്കോട്ടിലെ സംഗീത അക്കാദമിയിൽ തബല വിദ്യാർഥിയായിരുന്ന പങ്കജ് ഉധാസ്, ഗുലാം ഖാദിർ ഖാൻ സാഹിബിൽനിന്നു ഹിന്ദുസ്ഥാനി സംഗീതവും തുടർന്ന് നവരംഗ് നാഗ്പുർകാറിൽനിന്ന് ഗ്വാളിയർ ഖരാനയും അഭ്യസിച്ചു.
എൺപതുകൾ മുതൽ 2011വരെ അൻപതിലേറെ സംഗീത ആൽബങ്ങൾ പുറത്തിറക്കി. പങ്കജ് ഉധാസിന്റെ ഗസൽ മെലഡികൾ ആത്മാവുമായി നേരിട്ട് സംവദിക്കുന്നതാണെന്ന് പ്രധാനമന്ത്രി മോദി അനുസ്മരിച്ചു.