രാജസ്ഥാനിൽനിന്നുള്ള രാജ്യസഭാംഗം ബാബ ബാലക്നാഥും ഛത്തീസ്ഗഡിൽനിന്നുള്ള കേന്ദ്ര ആദിവാസികാര്യ സഹമന്ത്രി രേണുക സിംഗും അതത് സംസ്ഥാനങ്ങളിലെ നിയമസഭകളിലേക്ക് ജയിച്ചിട്ടുണ്ടെങ്കിലും രാജി സമർപ്പിച്ചിട്ടില്ല. ഇരുവരും വരുംദിവസങ്ങളിൽ രാജി സമർപ്പിക്കുമെന്നാണ് വിവരം. അതേസമയം, രണ്ടു മന്ത്രിമാർ രാജിവച്ചതോടെ കേന്ദ്രമന്ത്രിസഭയിൽ പുനഃസംഘടന ഉറപ്പായി. 2021 ജൂലൈയിൽ 36 പുതുമുഖങ്ങളെ ഉൾപ്പെടെ 43 മന്ത്രിമാരെ ഉൾപ്പെടുത്തിയാണ് കേന്ദ്രമന്ത്രിസഭ പുനഃസംഘടിപ്പിച്ചത്.
ഉപതെരഞ്ഞെടുപ്പ് ഉണ്ടാകില്ല ലോക്സഭയിൽനിന്നുള്ള ഒന്പത് അംഗങ്ങൾ രാജിവച്ചെങ്കിലും ഉപതെരഞ്ഞെടുപ്പ് നടക്കാനിടയില്ല. അടുത്ത വർഷം മേയിൽ 17-ാം ലോക്സഭയുടെ കാലാവധി അവസാനിക്കും. കിരോഡി ലാൽ മീണയുടെ രാജ്യസഭാ കാലാവധി അവസാനിക്കാൻ നാലു മാസം മാത്രമുള്ളതിനാൽ ആ സീറ്റിലും തെരഞ്ഞെടുപ്പു നടക്കില്ല. ആറു മാസത്തിൽ കൂടുതൽ കാലാവധിയുണ്ടെങ്കിൽ മാത്രമേ തെരഞ്ഞെടുപ്പു നടക്കൂ.