ഒ​റ്റ​പ്പാ​ലം: ഒ​റ്റ​പ്പാ​ലം താ​ലൂ​ക്കാ​ശു​പ​ത്രി ജീ​വ​ന​ക്കാ​ർ​ക്കെ​തി​രെ പ​രാ​തി​ക​ൾ വ്യാ​പ​ക​മാ​യ സാ​ഹ​ച​ര്യ​ത്തി​ൽ സ​ബ് ക​ള​ക്ട​ർ ഡി. ​ധ​ർ​മ്മ​ല​ശ്രി അ​ന്വേ​ഷ​ണം തു​ട​ങ്ങി.

കാ​ലി​ൽ മു​റി​വോ​ടെ​യെ​ത്തി​യ മ​നോ​ദൗ​ർ​ബ​ല്യ​മു​ള്ള യു​വാ​വി​നു ര​ണ്ടു​മ​ണി​ക്കൂ​ർ ചി​കി​ത്സ വൈ​കി​പ്പി​ച്ചെ​ന്നും അ​ർ​ബു​ദ രോ​ഗി​യാ​യ പാ​ല​പ്പു​റം സ്വ​ദേ​ശി​നി​ക്കു മെഡി​ക്ക​ൽ സ​ർ​ട്ടി​ഫി​ക്ക​റ്റ് ന​ൽ​കി​യി​ല്ലെ​ന്നും ആ​രോ​പി​ച്ചു ആ​പ്പേ​പ്പു​റം വാ​ർ​ഡ് ന​ഗ​ര​സ​ഭാ കൗ​ൺ​സി​ല​ർ സി. ​പ്ര​സീ​ത നേ​ര​ത്തെ പ​രാ​തി ന​ൽ​കി​യി​രു​ന്നു.

കി​ട​ത്തി​ച്ചി​കി​ത്സ ആ​വ​ശ്യ​മു​ള്ള രോ​ഗി​ക​ളെ വാ​ർ​ഡി​ൽ പ്ര​വേ​ശി​പ്പി​ക്കാ​തെ മ​റ്റ് ആ​ശു​പ​ത്രി​ക​ളി​ലേ​ക്കു ശിപാ​ർ​ശ ചെ​യ്യു​ക​യാ​ണെ​ന്ന് ആ​രോ​പി​ച്ചു സൗ​ത്ത് പ​ന​മ​ണ്ണ വ​ട്ട​നാ​ൽ വാ​ർ​ഡി​ലെ കൗ​ൺ​സി​ല​ർ സി.​സ​ജി​ത്തും സ​ബ് ക​ള​ക്ട​ർ​ക്ക് പ​രാ​തി ന​ൽ​കി​യി​ട്ടു​ണ്ട്.

ഇ​ക്ക​ഴി​ഞ്ഞ 18നാ​ണ് അ​ർ​ബു​ദ രോ​ഗി​യാ​യ അ​റു​പ​ത്തി​യെ​ട്ടു​കാ​രി മെ​ഡി​ക്ക​ൽ സ​ർ​ട്ടി​ഫി​ക്ക​റ്റി​നാ​യി ആ​ശു​പ​ത്രി സൂ​പ്ര​ണ്ടി​നെ സ​മീ​പി​ച്ച​ത്.

ഉ​ച്ച​വ​രെ കാ​ത്തു നി​ർ​ത്തി​യ ശേ​ഷം സാ​ങ്കേ​തി​ക​ത്വം നി​ര​ത്തി സ​ർ​ട്ടി​ഫി​ക്ക​റ്റ് ന​ൽ​കാ​തെ ഇ​വ​രെ മ​ട​ക്കി​വി​ട്ടെ​ന്നാ​ണു പ​രാ​തി.

സാ​മ്പ​ത്തി​ക​മാ​യി ഏ​റെ പി​ന്നാ​ക്കം നി​ൽ​ക്കു​ന്ന രോ​ഗി​യു​ടെ സാ​ഹ​ച​ര്യം ക​ണ്ടാ​ണ് ഇ​ന്ന​ലെ ന​ഗ​ര​സ​ഭാ കൗ​ൺ​സി​ല​ർ സി.​പ്ര​സീ​ത രേ​ഖ​ക​ളു​മാ​യി ആ​ശു​പ​ത്രി​യി​ലെ​ത്തി​യ​ത്.

ഉ​ച്ച​വ​രെ നീ​ണ്ട പ​രി​ശ്ര​മ​ത്തി​നാെ​ടു​വി​ൽ ആ​വ​ശ്യ​മാ​യ രേ​ഖ​ക​ൾ മു​ഴു​വ​ൻ കൃ​ത്യ​മാ​യി കൈ​മാ​റി​യ ജ​ന​പ്ര​തി​നി​ധി​യെ​യും സ​ർ​ട്ടി​ഫി​ക്ക​റ്റ് ന​ൽ​കാ​തെ മ​ട​ക്കി​വി​ട്ടെ​ന്നാ​ണു പ​രാ​തി.

രോ​ഗി നേ​രി​ട്ടു​വ​ന്നി​ല്ലെ​ന്ന കാ​ര​ണം ചൂ​ണ്ടി​ക്കാ​ട്ടി​യാ​യി​രു​ന്നു ന​ട​പ​ടി​യെ​ന്നു പ​രാ​തി​യി​ൽ ആ​രോ​പി​ക്കു​ന്നു.

ശാ​രീ​രി​ക അ​വ​ശ​ത​ക​ൾ മൂ​ല​മാ​ണു രോ​ഗി എ​ത്താ​ത്ത​തെ​ന്നും ക​ഴി​ഞ്ഞ ദി​വ​സം ഇ​തേ ആ​വ​ശ്യ​ത്തി​ന് അ​വ​ർ നേ​രി​ട്ടു വ​ന്നി​രു​ന്നു​വെ​ന്നും വി​ശ​ദീ​ക​രി​ച്ചി​ട്ടും ഫ​ല​മു​ണ്ടാ​യി​ല്ലെ​ന്നു പ്ര​സീ​ത പ​റ​ഞ്ഞു. നേ​ര​ത്തെ​യു​ണ്ടാ​യി​രു​ന്ന ഡോ​ക്ട​ർ​മാ​ർ നി​ശ്ചി​ത കാ​ലാ​വ​ധി പൂ​ർ​ത്തി​യാ​യ​തി​ന്‍റെ പേ​രി​ൽ കൂ​ട്ട​ത്തോ​ടെ സ്ഥ​ലം​മാ​റി​പ്പോ​യ ശേ​ഷം ഒ​പി​യി​ലും അ​ത്യാ​ഹി​ത വി​ഭാ​ഗ​ത്തി​ലും രോ​ഗി​ക​ൾ​ക്ക് ആ​വ​ശ്യ​മാ​യ ചി​കി​ത്സ ല​ഭി​ക്കാ​ത്ത സാ​ഹ​ച​ര്യ​മാ​യി മാ​റി​യെ​ന്നാ​ണു ന​ഗ​ര​സ​ഭാ കൗ​ൺ​സി​ല​ർ സി.​സ​ജി​ത്ത് സ​ബ് ക​ള​ക്ട​ർ​ക്കു ന​ൽ​കി​യ പ​രാ​തി​യി​ലു​ള്ള​ത്.

ആ​ശു​പ​ത്രി​യി​ലു​ള്ള സൗ​ക​ര്യം പോ​ലും പ്ര​യോ​ജ​ന​പ്പെ​ടു​ത്താ​തെ രോ​ഗി​ക​ളെ ജി​ല്ലാ ആ​ശു​പ​ത്രി​യി​ലേ​ക്കും മെ​ഡി​ക്ക​ൽ കോ​ള​ജി​ലേ​ക്കും ശു​പാ​ർ​ശ ചെ​യ്തു വി​ടു​ക​യാ​ണെ​ന്നും ആ​വ​ശ്യ​മാ​യ ഇ​ട​പെ​ട​ൽ വേ​ണ​മെ​ന്നു​മാ​ണ് ആ​വ​ശ്യം.