നൂതന ഉപകരണങ്ങള്‍ ഹൃദ്രോഗ ചികിത്സയിലെ വിപ്ലവമെന്ന് വിദഗ്ധര്‍
1481872
Monday, November 25, 2024 5:05 AM IST
കൊച്ചി: സൊസൈറ്റി ഫോര്‍ കൊറോണറി ഇമേജിംഗ് ആന്‍ഡ് ഫിസിയോളജിയുടെ (എസ്‌സിഐപി) എട്ടാമത് വാര്‍ഷിക ദേശീയ സമ്മേളനം കൊച്ചിയില്‍ നടന്നു. ഹോട്ടല്‍ ലെ മെറിഡിയനില്‍ നടന്ന സമ്മേളനത്തില്‍ ഹൃദയധമനികളുടെ നൂതന ഇമേജിംഗ്, ഫിസിയോളജി ശാസ്ത്ര സാങ്കേതിക വിദ്യകള്‍ തുടങ്ങിയവ ചര്‍ച്ചയായി. കാര്‍ഡിയോളജി സൊസൈറ്റി ഓഫ് ഇന്ത്യ പ്രസിഡന്‍റ് ഡോ. പി.സി. റാത്ത് ഉദ്ഘാടനം ചെയ്തു.
ഹൃദയാഘാതത്തിനും മറ്റ് ഹ്യദ്രോഗങ്ങള്ക്കുമുള്ള ഇമേജിംഗ് വഴിയുള്ള താക്കോല്‍ ദ്വാര ചികിത്സകള്‍ ഏറെ കൃത്യത നല്‍ക്കുന്നതാണെന്ന് അദ്ദേഹം പറഞ്ഞു. മൂന്നു ദിവസങ്ങളിലായി 25 ശാസ്ത്ര സെഷനുകള്‍ നടന്നു. നൂതന ഉപകരണങ്ങള്‍ ഹൃദോഗ ചികിത്സയിലെ വിപ്ലവമാണെന്ന് വിദഗ്ധര്‍ വിലയിരുത്തി. അന്താരാഷ്ട്ര, ദേശീയ വിദഗ്ദ്ധരടങ്ങുന്ന മുന്നൂറിലധികം പ്രതിനിധികള്‍ സമ്മേളനത്തില്‍ പങ്കെടുത്തു.