പാ​ലാ: വി​ദ്യാ​ര്‍​ഥി​ക​ളി​ല്‍ മ​ഞ്ഞ​പ്പി​ത്തം വ്യാ​പ​ക​മാ​യ​തി​നെ​ത്തു​ട​ര്‍​ന്ന് പ​ഠ​നം നി​ര്‍​ത്തി​വ​ച്ച വ​ല​വൂ​രി​ലെ ട്രി​പ്പി​ള്‍ ഐ​ഐ​ടി കാ​മ്പ​സി​ല്‍ വി​വി​ധ വ​കു​പ്പ് അ​ധി​കൃ​ത​രു​ടെ നേ​തൃ​ത്വ​ത്തി​ല്‍ പ​രി​ശോ​ധ​ന ന​ട​ത്തി.

കോ​ട്ട​യ​ത്തു​നി​ന്നെ​ത്തി​യ ഡെ​പ്യൂ​ട്ടി ഡി​എം​ഒ ഡോ. ​ജെ​സി പ​രി​ശോ​ധ​ന​ക​ള്‍​ക്കു നേ​തൃ​ത്വം ന​ല്‍​കി. കാ​മ്പ​സി​ലെ കു​ടി​വെ​ള്ള വി​ത​ര​ണ സം​വി​ധാ​ന​ങ്ങ​ള്‍ പ​രി​ശോ​ധി​ച്ച് സാ​മ്പി​ളു​ക​ളെ​ടു​ത്തു. റ​വ​ന്യൂ, പ​ഞ്ചാ​യ​ത്ത്, ഭ​ക്ഷ്യ​സു​ര​ക്ഷാ വ​കു​പ്പ്, പൊ​ലൂ​ഷ​ന്‍ ക​ണ്‍​ട്രോ​ള്‍ ഉ​ദ്യോ​ഗ​സ്ഥ​ര്‍ തു​ട​ങ്ങി‍​യ​വ​ർ പ​രി​ശോ​ധ​നാ സം​ഘ​ത്തി​ലു​ണ്ടാ​യി​രു​ന്നു.

ജി​ല്ലാ ക​ള​ക്‌​ട​റു​ടെ നി​ര്‍​ദേ​ശ​പ്ര​കാ​ര​മാ​ണ് ഉ​ദ്യോ​ഗ​സ്ഥ​സം​ഘം പ​രി​ശോ​ധ​ന ന​ട​ത്തി​യ​ത്. ശൗ​ചാ​ല​യ സം​വി​ധാ​ന​ങ്ങ​ളും കാ​മ്പ​സി​ലെ ഹോ​സ്റ്റ​ലു​ക​ളും സം​ഘം പ​രി​ശോ​ധി​ച്ചു. എ​ടു​ത്ത സാ​മ്പി​ളു​ക​ളു​ടെ പ​രി​ശോ​ധ​നാ​ഫ​ലം വ​ന്ന​തി​നു ശേ​ഷ​മേ രോ​ഗം വ്യാ​പ​ക​മാ​യ​തു സം​ബ​ന്ധി​ച്ച് കൃ​ത്യ​മാ​യ നി​ഗ​മ​ന​ത്തി​ലെ​ത്താ​ൻ ക​ഴി​യൂ​യെ​ന്ന് ആ​രോ​ഗ്യ​വ​കു​പ്പ് ജീവ​ന​ക്കാ​ര്‍ പ​റ​ഞ്ഞു. ഇ​ന്നും പ​രി​ശോ​ധ​ന​ക​ള്‍ തു​ട​രും.

ഹോ​സ്റ്റ​ലു​ക​ളും പ​രി​ശോ​ധി​ക്കും

അ​തേ​സ​മ​യം, കാ​മ്പ​സി​നു പു​റ​ത്തു വി​ദ്യാ​ര്‍​ഥി​ക​ള്‍ കൂ​ടു​ത​ലാ​യി താ​മ​സി​ക്കു​ന്ന സ്വ​കാ​ര്യ ഹോ​സ്റ്റ​ലു​ക​ളി​ലും പ​രി​ശോ​ധ​ന ന​ട​ത്ത​ണ​മെ​ന്നു നാ​ട്ടു​കാ​ര്‍ ആ​വ​ശ്യ​പ്പെ​ട്ടു. ചി​ല ഹോ​സ്റ്റ​ലു​ക​ളി​ല്‍ 200ല​ധി​കം വി​ദ്യാ​ര്‍​ഥി​ക​ള്‍ താ​മ​സി​ക്കു​ന്നു​ണ്ട്. സ്വ​കാ​ര്യ ഹോ​സ്റ്റ​ലു​ക​ളി​ലെ കു​ടി​വെ​ള്ള സ്രോ​ത​സു​ക​ള്‍, മാ​ലി​ന്യ സം​സ്‌​ക​ര​ണം എ​ന്നി​വ സം​ബ​ന്ധി​ച്ച് മു​മ്പും പ​രാ​തി​ക​ള്‍ ഉ​യ​ര്‍​ന്നി​രു​ന്നു. ഒ​ക്ടോ​ബ​ര്‍ 16 വ​രെ​യാ​ണ് കാ​മ്പ​സി​ന് അ​വ​ധി ന​ല്‍​കി​യി​രി​ക്കു​ന്ന​ത്.