സ്കൂൾ ശാസ്ത്ര-പ്രവൃത്തിപരിചയ മേള: മികച്ച നേട്ടവുമായി ഒളശ ഗവൺമെന്‍റ് ഹൈസ്‌കൂള്‍
1480907
Thursday, November 21, 2024 8:13 AM IST
കോട്ടയം: സംസ്ഥാന സ്‌കൂള്‍ ശാസ്ത്ര-പ്രവൃത്തിപരിചയ മേളയില്‍ സ്പെഷല്‍ സ്‌കൂള്‍ വിഭാഗത്തില്‍ പങ്കെടുത്ത ഒന്പതിനങ്ങളിലും എ ഗ്രേഡ് നേടി കാഴ്ചപരിമിതര്‍ക്കായുള്ള ഒളശ സര്‍ക്കാര്‍ ഹൈസ്‌കൂള്‍. രണ്ടാം ക്ലാസ് വിദ്യാര്‍ഥിനി ദേവതീര്‍ഥ രതീഷ് പുല്‍പ്പായ നിര്‍മാണത്തില്‍ എ ഗ്രേഡോടെ ഒന്നാം സ്ഥാനം കരസ്ഥമാക്കി. സംസ്ഥാന സ്പെഷല്‍ സ്‌കൂള്‍ കലോത്സവത്തില്‍ നാടോടിനൃത്തത്തിന് എ ഗ്രേഡോടെ രണ്ടാം സ്ഥാനവും ദേവതീര്‍ഥ രതീഷ് സ്വന്തമാക്കിയിരുന്നു.
കേശവ് രഞ്ജിത്ത് ബാംബൂ പ്രോഡക്ട് നിര്‍മാണത്തില്‍ എ ഗ്രേഡോടെ രണ്ടാം സ്ഥാനവും എ. അനൂപ് പ്ലാസ്റ്റിക് കെയിന്‍ വര്‍ക്കില്‍ (വീവിംഗ്) എ ഗ്രേഡോടെ മൂന്നാം സ്ഥാനവും നേടി. വി. നവനീത് (കയര്‍ ഡോര്‍ മാറ്റ്), എം.വി. വിസ്മയ (ബീഡ്‌സ് വര്‍ക്ക്), അലന്‍ അജീഷ് (കാര്‍ഡ് ആന്‍ഡ് സ്ട്രോബോര്ഡ് വര്‍ക്ക്), എ. അഭിനന്ദ (പേപ്പര്‍ ക്രാഫ്റ്റ്, അന്‍ഷ്വല്‍ ആന്‍ ജോണ്‍ (കുട നിര്‍മാണം) എന്നിവരാണ് എ ഗ്രേഡ് നേടിയ മറ്റുള്ളവര്‍.