കാ​ഞ്ഞ​ങ്ങാ​ട്: മാ​വും പ്ലാ​വു​മെ​ല്ലാം പൂ​വി​ട്ടു​തു​ട​ങ്ങു​ന്ന സ​മ​യ​ത്താ​ണ് ഓ​ർ​ക്കാ​പ്പു​റ​ത്ത് വീ​ണ്ടും അ​തി​ശ​ക്ത​മാ​യി മ​ഴ പെ​യ്ത​ത്. പ​ല​യി​ട​ങ്ങ​ളി​ലും പൂ​ക്ക​ളും ക​ണ്ണി​മാ​ങ്ങ​ക​ളു​മെ​ല്ലാം മ​ഴ​യ്ക്കൊ​പ്പം നി​ലം​പൊ​ത്തി. ഒ​രു​പാ​ട് പൂ​ക്ക​ൾ വാ​ടി​ക്കൊ​ഴി​ഞ്ഞു. കു​ഞ്ഞു​ച​ക്ക​ക​ളും പ്ലാ​വി​ൻ​ചോ​ട്ടി​ൽ ക​രി​ഞ്ഞു​വീ​ണു കി​ട​ക്കു​ന്നു.

നീ​ണ്ടു​പോ​യ വേ​ന​ൽ​ക്കാ​ല​ത്തി​നു ശേ​ഷം ഇ​ത്ത​വ​ണ സാ​മാ​ന്യം മ​ഴ​യും അ​തു​ക​ഴി​ഞ്ഞ് സാ​ധാ​ര​ണ​പോ​ലെ വെ​യി​ലും മ​ഞ്ഞു​കാ​ല​വും തു​ട​ങ്ങി​യ​പ്പോ​ൾ കാ​ലാ​വ​സ്ഥാ​മാ​റ്റം മൂ​ല​മു​ള്ള ഉ​ത്പാ​ദ​ന​ക്കു​റ​വ് കാ​ര്യ​മാ​യി​ട്ടു​ണ്ടാ​വി​ല്ലെ​ന്ന് പ്ര​തീ​ക്ഷി​ച്ച ക​ർ​ഷ​ക​ർ​ക്ക് വീ​ണ്ടും നി​രാ​ശ നൽകുകയാണ് ഈ മാ​സ​ത്തി​ൽ കാ​ലം​തെ​റ്റി പെ​യ്ത മ​ഴ.

കാ​ലം​തെ​റ്റി​യ മ​ഴ കു​രു​മു​ള​കി​നും ക​മു​കി​നും റ​ബ​റി​നു​മെ​ല്ലാം ദോ​ഷ​ക​ര​മാ​ണെ​ന്ന് ക​ർ​ഷ​ക​ർ ചൂ​ണ്ടി​ക്കാ​ട്ടു​ന്നു. പ​ല​യി​ട​ങ്ങ​ളി​ലും പ​കു​തി മൂ​പ്പെ​ത്തി​യ കു​രു​മു​ള​ക് തി​രി​ക​ൾ കൊ​ഴി​ഞ്ഞു​വീ​ണു. ഫം​ഗ​സ് ബാ​ധ​യും ദ്രു​ത​വാ​ട്ട​വും ത​ണ്ടു​ചീ​യ​ലും കൂ​ടു​ത​ലാ​യി. ക​മു​കി​ന്‍റെ കാ​ര്യ​ത്തി​ലും കു​മി​ൾ​രോ​ഗ​ങ്ങ​ളും മ​ഞ്ഞ​ളി​പ്പും പാ​ക​മാ​കാ​ത്ത അ​ട​യ്ക്ക​ക​ൾ കൊ​ഴി​ഞ്ഞു​വീ​ഴു​ന്ന​തും വ്യാ​പ​ക​മാ​യി. പ​ല​യി​ട​ങ്ങ​ളി​ലും കൊ​യ്ത്തി​നു പാ​ക​മാ​യ നെ​ൽ​ക്ക​തി​രു​ക​ൾ പോ​ലും വെ​ള്ള​ത്തി​ലാ​യി.

കൊ​യ്ത്തു​ക​ഴി​ഞ്ഞ് വേ​ന​ൽ​ക്കാ​ല പ​ച്ച​ക്ക​റി കൃ​ഷി തു​ട​ങ്ങി​യ സ്ഥ​ല​ങ്ങ​ളി​ൽ പ​ച്ച​ക്ക​റി തൈ​ക​ളി​ൽ പ​ല​തും ചീ​ഞ്ഞു​ന​ശി​ച്ചു. അ​വ​ശേ​ഷി​ച്ച​വ​യ്ക്കും ആ​രോ​ഗ്യം ന​ഷ്ട​മാ​യി. പ​ല ക​ർ​ഷ​ക​രും ഇ​ക്കൊ​ല്ല​ത്തെ പ​ച്ച​ക്ക​റി കൃ​ഷി വീ​ണ്ടും ഒ​ന്നി​ൽ​നി​ന്ന് തു​ട​ങ്ങേ​ണ്ട അ​വ​സ്ഥ​യി​ലാ​ണ്.