മ​ഞ്ചേ​രി: വീ​ട്ടു​മു​റ്റ​ത്തെ മി​ൽ​ക്ക് ഫ്രൂ​ട്ട് മ​രം കെ​എ​സ്ഇ​ബി വെ​ട്ടി​ന​ശി​പ്പി​ച്ച​താ​യി പ​രാ​തി. പ​യ്യ​നാ​ട് ചെ​ങ്ങ​ണ വ​ട​ക്കാ​ങ്ങ​ര ഫാ​ഹി​ദ് അ​ലി​യു​ടെ ഉ​ട​മ​സ്ഥ​ത​യി​ലു​ള്ള മ​ര​മാ​ണ് വൈ​ദ്യു​തി ലൈ​നി​ന് ഭീ​ഷ​ണി​യാ​ണെ​ന്ന് കാ​ണി​ച്ച് വെ​ട്ടി​യ​ത്. ക​ഴി​ഞ്ഞ ദി​വ​സം ഉ​ച്ച​യ്ക്കാ​ണ് സം​ഭ​വം. എ​ക്സോ​ട്ടി​ക് ഫ്രൂ​ട്ട് കൃ​ഷി​യോ​ട് താ​ല്പ​ര്യ​മു​ള്ള​യാ​ളാ​ണ് ഫാ​ഹി​ദ്.

വീ​ട് നി​ൽ​ക്കു​ന്ന സ്ഥ​ലം ഒ​ഴി​ച്ച് ബാ​ക്കി എ​ല്ലാ സ്ഥ​ല​ത്തും ആ​റ് വ​ർ​ഷം മു​മ്പ് ഫ്രൂ​ട്ട് മ​ര​ങ്ങ​ൾ ന​ട്ടി​രു​ന്നു. വ​ള​വും വെ​ള്ള​വും ന​ൽ​കി ന​ല്ല രൂ​പ​ത്തി​ൽ പ​രി​പാ​ലി​ച്ചു പോ​രു​ന്ന ജ​മൈ​ക്ക​ൻ സ്റ്റാ​ർ ആ​പ്പി​ൽ( മി​ൽ​ക്ക് ഫ്രൂ​ട്ട്) എ​ന്ന മ​രം വൈ​ദ്യു​തി ലൈ​നി​ലേ​ക്ക് ത​ട്ടാ​തി​രി​ക്കാ​ൻ ഫാ​ഹി​ദ് ത​ന്നെ ഒ​ന്ന​ര മീ​റ്റ​ർ ക​ട്ട് ചെ​യ്തു നി​ർ​ത്തു​ക​യും ചെ​യ്തു.

ഇ​തി​നി​ട​യി​ലാ​ണ് ക​ഴി​ഞ്ഞ ദി​വ​സം വൈ​ദ്യു​തി ലൈ​നി​ൽ നി​ന്നും അ​ഞ്ചു മീ​റ്റ​ർ ദൂ​ര​ത്തി​ൽ പൂ​വി​ട്ട മ​രം അ​ധി​കൃ​ത​ർ ന​ശി​പ്പി​ച്ച​ത്. പൂ​വി​ട്ട മ​രം മു​റി​ച്ച​തു കാ​ര​ണം ത​നി​ക്ക് സാ​മ്പ​ത്തി​ക ന​ഷ്ടം ഉ​ണ്ടാ​യ​താ​യി ചൂ​ണ്ടി​ക്കാ​ട്ടി ഫാ​ഹി​ദ് കൃ​ഷി വ​കു​പ്പ് മ​ന്ത്രി​ക്കും കെ​എ​സ്ഇ​ബി അ​സി.​എ​ൻ​ജി​നീ​യ​ർ​ക്കും പ​രാ​തി ന​ൽ​കി. ആ​വ​ശ്യ​മാ​യ ന​ഷ്ട​പ​രി​ഹാ​രം ന​ൽ​ക​ണ​മെ​ന്ന് പ​രാ​തി​യി​ൽ ആ​വ​ശ്യ​പ്പെ​ട്ടു.