നെ​യ്യാ​റ്റി​ന്‍​ക​ര : മു​ട്ട​യ്ക്കാ​ട് സ്വ​ദേ​ശി​നി സ​ലി​ത​കു​മാ​രി (50) ആ​ത്മ​ഹ​ത്യ ചെ​യ്ത​താ​ണെ​ന്ന് പോ​ലീ​സി​ന്‍റെ പ്രാ​ഥ​മി​ക നി​ഗ​മ​നം. ശ​രീ​ര​ത്തി​ല്‍ മ​ണ്ണെ​ണ്ണ​യു​ടെ അം​ശ​മു​ണ്ടാ​യി​രു​ന്നാ​യും ആ​ത്മ​ഹ​ത്യാ​ക്കു​റി​പ്പ് ക​ണ്ടെ​ടു​ത്തു​വെ​ന്നും പോ​ലീ​സ് അ​റി​യി​ച്ചു.

മു​ട്ട​യ്ക്കാ​ട് കെ​ന്‍​സാ​യി​ല്‍ പ​രേ​ത​നാ​യ സ്റ്റെ​ല്ല​സ് ഗ​ബ്രി​യേ​ലി​ന്‍റെ ഭാ​ര്യ സ​ലി​ത​കു​മാ​രി വീ​ട്ടി​ല്‍ രാ​വി​ലെ ചാ​യ ത​യാ​റാ​ക്കു​ന്ന​തി​നി​ട​യി​ല്‍ പാ​ച​ക​വാ​ത​ക അ​ടു​പ്പി​ല്‍ നി​ന്ന് തീ ​പ​ട​ര്‍​ന്ന് മ​ര​ണ​മ​ട​ഞ്ഞു​വെ​ന്നാ​യി​രു​ന്നു ആ​ദ്യ നി​ഗ​മ​നം .

പി​ന്നീ​ട് പോ​ലീ​സ് വീ​ട്ടി​ല്‍ നി​ന്നും സ​ലി​ത​കു​മാ​രി എ​ഴു​തി​യ​തെ​ന്ന് ക​രു​ത​പ്പെ​ടു​ന്ന ആ​ത്മ​ഹ​ത്യാ​ക്കു​റി​പ്പ് ക​ണ്ടെ​ടു​ത്തു. മ​ക​ന് എ​ഴു​തി​യി​രി​ക്കു​ന്ന ക​ത്തി​ല്‍ പ്രാ​ദേ​ശി​ക കോ​ണ്‍​ഗ്ര​സ് നേ​താ​വി​നെ​ക്കു​റി​ച്ച് പ​രാ​മ​ര്‍​ശ​മു​ണ്ട്. ന​ഗ​ര​സ​ഭ കൗ​ണ്‍​സി​ല​ര്‍ കൂ​ടി​യാ​യ അ​ദ്ദേ​ഹം സ​ലി​ത​കു​മാ​രി​യോ​ട് മു​ന്പ് മോ​ശ​മാ​യി പെ​രു​മാ​റി​യി​ട്ടു​ണ്ടെ​ന്ന് മ​ക​ന്‍ രാ​ഹു​ല്‍ മാ​ധ്യ​മ​ങ്ങ​ളോ​ട് ക​ഴി​ഞ്ഞ ദി​വ​സം പ​റ​ഞ്ഞു.

ആ​ത്മ​ഹ​ത്യാ​ക്കു​റി​പ്പ് വി​ശ​ദ​മാ​യി പ​രി​ശോ​ധി​ക്കു​മെ​ന്നും സ​ലി​ത​കു​മാ​രി​യു​ടെ കൈ​പ്പ​ട​യാ​ണെ​ന്ന് വ്യ​ക്ത​മാ​യാ​ല്‍ കൗ​ണ്‍​സി​ല​ര്‍​ക്കെ​തി​രെ ആ​ത്മ​ഹ​ത്യാ പ്രേ​ര​ണാ കു​റ്റം ചു​മ​ത്തി കേ​സെ​ടു​ക്കു​മെ​ന്നും പോ​ലീ​സ് അ​റി​യി​ച്ചു.