കാട്ടാക്കട: കാട്ടാക്കട - കളിയിക്കാവിള സർവീസ് തുടങ്ങി. ഏറെക്കാലമായി തടസപ്പെട്ടിരുന്ന അന്തർ സംസ്ഥാന സർവീസാണ് കാട്ടാക്കട സിപ്പോയിൽ നിന്നും കഴിഞ്ഞ ദിവസം ആരംഭിച്ചത്. സർവീസിന്റെ ഉദ്ഘാടനം സി.കെ. ഹരീന്ദ്രൻ എംഎൽഎ നിർവഹിച്ചു. രാവിലെ 06:35 നു ഒറ്റശേഖരമംഗലം, മൈലച്ചൽ, കുടയാൽ, കാരക്കോണം വഴി കാട്ടാക്കട - കളിയിക്കാവിള സർവീസ് നടത്തും.
രാവിലെ എട്ടിന് കാരക്കോണം, കുടയാൽ, മൈലച്ചൽ, ഒറ്റശേഖരമംഗലം, കാട്ടാക്കട, മലയിൻകീഴ്, പേയാട്, തിരുമല, പൂജപ്പുര, വഴുതയ്ക്കാട്, തിരുവനന്തപുരം, പട്ടം വഴി കളിയിക്കാവിള - കാട്ടാക്കട - മെഡിക്കൽ കോളേജ് സർവീസും 11നു പട്ടം, തിരുവനന്തപുരം, വിഴിഞ്ഞം, പൂവാർ, ഊരമ്പ് വഴി മെഡിക്കൽ കോളേജ് - കളിയിക്കാവിള സർവീസും ഉച്ചകഴിഞ്ഞു 01:40 നു ഊരമ്പ്, പൂവാർ, വിഴിഞ്ഞം വഴി കളിയിക്കാവിള - തിരുവനന്തപുരം സർവീസും ഉച്ചതിരിഞ്ഞു 03:55 നു വഴുതയ്ക്കാട്, പൂജപ്പുര, തിരുമല, പേയാട്, മലയിൻകീഴ്, ഒറ്റശേഖരമംഗലം, മൈലച്ചൽ, കുടയാൽ, കാരക്കോണം വഴി തിരുവനന്തപുരം - കാട്ടാക്കട - കളിയിക്കാവിള സർവീസും വൈകുന്നേരം 06:25നു പാറശ്ശാല, നെയ്യാറ്റിൻകര, ബാലരാമപുരം വഴി കളിയിക്കാവിള - തിരുവനന്തപുരം സർവീസും രാത്രി 08:20 വഴുതയ്ക്കാട്, പൂജപ്പുര, തിരുമല, പേയാട്, മലയിൻകീഴ്, അന്തിയൂർക്കോണം, കിള്ളി വഴി തിരുവനന്തപുരം - കാട്ടാക്കട സർവീസുകളുമാണ് ഉണ്ടായിരിക്കുക.
Tags : nattuvishesham local