മം​ഗ​ലം​ഡാം: ച​ക്ക​പ്പെ​രു​മ​ക്കൊ​പ്പം മം​ഗ​ലം​ഡാം സെ​ന്‍റ് സേ​വി​യേ​ഴ്സ് ഫൊ​റോ​ന പ​ള്ളി​മു​റ്റ​ത്ത് ക​പ്പ​യു​ടെ വി​സ്മ​യ​വും വി​കാ​രി ഫാ. ​സു​മേ​ഷ് നാ​ൽ​പ​താം​ക​ളം ന​ട്ടു​പ​രി​ച​രി​ച്ച ഒ​രു​മൂ​ട് ക​പ്പ പ​റി​ച്ച​പ്പോ​ൾ ല​ഭി​ച്ച​ത് 121 കി​ലോ ക​പ്പ.

കൃ​ത്യ​മാ​യി പ​റ​ഞ്ഞാ​ൽ 121 കി​ലോ​യും 500 ഗ്രാ​മും. സാ​ധാ​ര​ണ ല​ക്ഷ​ണ​മൊ​ത്ത ഒ​രു​ന​ല്ല ക​പ്പ​മൂ​ടി​ൽ​നി​ന്നും 75 കി​ലോ ക​പ്പ​യേ ല​ഭി​ക്കാ​റു​ള്ളു​വെ​ന്നു ക​ർ​ഷ​ക​നും വ്യാ​പാ​രി നേ​താ​വു​മാ​യ ഷാ​ജി വ​ർ​ക്കി പ​റ​ഞ്ഞു.

എ​ന്നാ​ൽ അ​തും​ക​ട​ന്ന് ക​പ്പ വി​ള​യു​ന്ന​തു അ​പൂ​ർ​വ​മാ​ണ്. പ​ള്ളി​യി​ൽ ഗ്രോ​ട്ടോ​ക്കു​സ​മീ​പം ര​ണ്ടു​മൂ​ട് ക​പ്പ​യാ​ണ് വി​കാ​രി​യ​ച്ച​ൻ കൃ​ഷി​ചെ​യ്തി​രു​ന്ന​ത്. ഒ​രു​മൂ​ട് ക​പ്പ നേ​ര​ത്തെ പ​റി​ച്ചി​രു​ന്നു.
അ​തി​ൽ നി​ന്നും 68 കി​ലോ ക​പ്പ​യാ​ണ് ല​ഭി​ച്ച​ത്. മ​ൺ​കൂ​ന​യി​ലെ വി​ള്ള​ലു​ക​ളും​മ​റ്റും ക​ണ​ക്കാ​ക്കി പ​റി​ക്കും​മു​മ്പേ അ​ത്ഭു​ത​വി​ള​വ് പ്ര​തീ​ക്ഷി​ച്ചി​രു​ന്നു. അ​തി​നാ​ൽ ക​മ്പി​യും ക​യ​റും ഉ​പ​യോ​ഗി​ച്ച് ആ​ട്ടി​യി​ള​ക്കി​യാ​ണ് ക​പ്പ​മൂ​ട് പൊ​ക്കി​യ​ത്.

മൂ​ന്നു​നാ​ല് കി​ഴ​ങ്ങു​ക​ൾ പൊ​ട്ടി​യി​രു​ന്നെ​ങ്കി​ലും മ​റ്റെ​ല്ലാം ഒ​ന്നി​ച്ചു​കി​ട്ടി. ക​പ്പ ഇ​ന്ന​ലെ ലേ​ലം ചെ​യ്തു. ജോ​ണി എ​ന്ന​യാ​ൾ 2300 രൂ​പ​ക്കാ​ണ് ലേ​ലം ചെ​യ്തെ​ടു​ത്ത​ത്.

മം​ഗ​ലം​ഡാം പ​ള്ളി​മു​റ്റ​ത്തെ പ്ലാ​വു​കൃ​ഷി പ്ര​സി​ദ്ധ​മാ​ണ്. ഫാ.​ചെ​റി​യാ​ൻ ആ​ഞ്ഞി​ലി​മൂ​ട്ടി​ൽ വി​കാ​രി​യാ​യി​രു​ന്ന​പ്പോ​ഴാ​ണ് പ​ള്ളി​മു​റ്റ​ത്തും ഗ്രൗ​ണ്ടി​ന്‍റെ അ​തി​രു​ക​ളി​ലു​മാ​യി നൂ​റി​ലേ​റെ പ്ലാ​വു​വ​ച്ച​ത്.

ഇ​പ്പോ​ൾ സീ​സ​ണി​ൽ ക​മ്പു​ക​ളി​ൽ​തൂ​ങ്ങി​യാ​ണ് ച​ക്ക​യു​ണ്ടാ​കു​ന്ന​ത്.