ഷൊ​ർ​ണൂ​ർ: കു​റു​വ​ട്ടൂ​ർ ചു​ങ്ക​പ്പി​ലാ​വി​ലെ ത​ട്ടു​ക​ട ന​ട​ത്തു​ന്ന​യാ​ളു​ടെ ബൈ​ക്കും 30,000 രൂ​പ​യും ക​വ​ർ​ന്നെ​ന്ന കേ​സി​ൽ ഒ​ളി​വി​ലാ​യി​രു​ന്ന യു​വാ​വി​നെ പോ​ലീ​സ് അ​റ​സ്റ്റ് ചെ​യ്തു. കോ​ഴി​ക്കോ​ട് നാ​ദാ​പു​രം ചി​റ​ക്കം​പു​ന​ത്തി​ൽ​ത്തൊ​ടി മു​ഹ​മ്മ​ദ​ലി​യെ​യാ​ണ് (36) പോ​ലീ​സ് അ​റ​സ്റ്റ് ചെ​യ്ത​ത്.
കു​റു​വ​ട്ടൂ​ർ ക​ല്ലി​ട്ടു​പാ​ടം സ​ക്കീ​റി​ന്‍റെ വാ​ട​ക​വീ​ട്ടി​ൽ ഫെ​ബ്രു​വ​രി ര​ണ്ടി​നു പു​ല​ർ​ച്ചെ​യാ​യി​രു​ന്നു മോ​ഷ​ണം ന​ട​ന്ന​ത്.

ഫെ​ബ്രു​വ​രി ഒ​ന്നി​നു പ​ക​ൽ ജോ​ലി അ​ന്വേ​ഷി​ച്ചെ​ത്തി​യ മു​ഹ​മ്മ​ദാ​ലി​ക്ക് സ​ക്കീ​ർ ത​ട്ടു​ക​ട​യി​ൽ ജോ​ലി ന​ൽ​കു​ക​യാ​യി​രു​ന്നു​വെ​ന്നു പോ​ലീ​സ് പ​റ​യു​ന്നു. രാ​ത്രി സ​ക്കീ​റി​നൊ​പ്പം വാ​ട​ക​വീ​ട്ടി​ൽ ഒ​പ്പം താ​മ​സി​ക്കാ​നും സൗ​ക​ര്യം ന​ൽ​കി. ഈ ​സാ​ഹ​ച​ര്യം മു​ത​ലെ​ടു​ത്ത് മു​ഹ​മ്മ​ദ​ലി സ​ക്കീ​റി​ന്‍റെ മേ​ശ​യി​ൽ സൂ​ക്ഷി​ച്ചി​രു​ന്ന 30,000 രൂ​പ​യും പു​റ​ത്ത്നി​ർ​ത്തി​യി​രു​ന്ന ബൈ​ക്കും എ​ടു​ത്ത് മു​ങ്ങു​ക​യാ​യി​രു​ന്നു​വെ​ന്നു പ​റ​യു​ന്നു.

ഫെ​ബ്രു​വ​രി ആ​റി​ന് നാ​ദാ​പു​രം പോ​ലീ​സ് മു​ഹ​മ്മ​ദ​ലി​യെ വീ​ട്ടി​ലെ​ത്തി പി​ടി​കൂ​ടാ​ൻ ശ്ര​മി​ച്ച​പ്പോ​ൾ പോ​ലീ​സി​നെ ആ​ക്ര​മി​ച്ച് ര​ക്ഷ​പ്പെ​ടാ​ൻ ശ്ര​മി​ച്ചി​രു​ന്നെ​ന്നും പ​റ​യു​ന്നു.

ഈ ​സം​ഭ​വ​ത്തി​ൽ നാ​ദാ​പു​രം പോ​ലീ​സ് കേ​സെ​ടു​ത്ത് അ​റ​സ്റ്റ് ചെ​യ്തി​രു​ന്നു. തു​ട​ർ​ന്ന് റി​മാ​ൻ​ഡി​ൽ ക​ഴി​യു​ക​യാ​യി​രു​ന്ന മു​ഹ​മ്മ​ദ​ലി​യെ കോ​ട​തി​യു​ടെ നി​ർ​ദേ​ശ​പ്ര​കാ​ര​മാ​ണു വെ​ള്ളി​യാ​ഴ്ച ഷൊ​ർ​ണൂ​ർ പോ​ലീ​സ് അ​റ​സ്റ്റ് ചെ​യ്ത​ത്. മോ​ഷ്ടി​ച്ച ബൈ​ക്ക് പ​ട്ടാ​മ്പി റെ​യി​ൽ​വേ സ്റ്റേ​ഷ​ൻ പ​രി​സ​ര​ത്തു​നി​ന്നു പോ​ലീ​സ് ക​ണ്ടെ​ത്തി. മു​ഹ​മ്മ​ദ​ലി​യു​ടെ പേ​രി​ൽ മോ​ഷ​ണ​ക്കേ​സും പോ​ലീ​സി​നെ ആ​ക്ര​മി​ച്ച കേ​സു​മു​ണ്ടെ​ന്ന് ഇ​ൻ​സ്പെ​ക്ട​ർ വി. ​ര​വി​കു​മാ​ർ പ​റ​ഞ്ഞു.

എ​സ്ഐ സേ​തു​മാ​ധ​വ​ൻ, സീ​നി​യ​ർ സി​വി​ൽ പോ​ലീ​സ് ഓ​ഫീ​സ​ർ സു​രേ​ഷ് കു​മാ​ർ, എ​എ​സ്ഐ കെ. ​അ​നി​ൽ​കു​മാ​ർ, ടി. ​റി​യാ​സ് എ​ന്നി​വ​രാ​ണ് കേ​സ് അ​ന്വേ​ഷി​ച്ച​ത്.