നെ​ന്മാ​റ: ക​രി​മ്പാ​റ, ക​ൽ​ച്ചാ​ടി മേ​ഖ​ല​യി​ൽ കാ​ട്ടാ​ന​ക്കൂ​ട്ടം വ്യാ​പ​ക കൃ​ഷി​നാ​ശം വ​രു​ത്തി. ക​ൽ​ച്ചാ​ടി മേ​ഖ​ല​യി​ലെ റ​ബ​ർ​തോ​ട്ട​ങ്ങ​ളി​ൽ ഇ​റ​ങ്ങി​യ കാ​ട്ടാ​ന റ​ബ​ർ​ചി​ര​ട്ട​ക​ൾ, ഉ​റ ഒ​ഴി​ക്കാ​ൻ ഉ​പ​യോ​ഗി​ക്കു​ന്ന അ​ലൂ​മി​നി​യം ഡി​ഷു​ക​ൾ, മ​ര​ങ്ങ​ളി​ൽ ചി​ര​ട്ട താ​ങ്ങാ​ൻ കെ​ട്ടി​നി​ർ​ത്തി​യ ക​മ്പി​ക​ൾ തു​ട​ങ്ങി​യ​വ​യ്ക്കു വ്യാ​പ​ക​മാ​യി നാ​ശം വ​രു​ത്തുകയും ക​മു​കി​ൻ തോ​ട്ട​ങ്ങ​ളി​ലെ ക​മു​കു​തൈ​ക​ൾ പി​ഴു​ത​റി​ഞ്ഞും ചെയ്തു.

തെ​ങ്ങി​ൻ തോ​ട്ട​ത്തി​നും റ​ബ​ർ​തോ​ട്ട​ത്തി​ന്‍റെ​യും സം​ര​ക്ഷ​ണ​വേ​ലി​ക​ളും ഇ​രു​മ്പു​ഗേ​റ്റും ത​ക​ർ​ത്തു. ക​ഴി​ഞ്ഞ ര​ണ്ടു​ദി​വ​സ​മാ​യി ക​ൽ​ച്ചാ​ടി വ​ട​ക്ക​ൻ​ചി​റ നി​ര​ങ്ങ​ൻ​പാ​റ ഭാ​ഗ​ങ്ങ​ളി​ൽ കാ​ട്ടാ​ന കൃ​ഷി​യി​ട​ങ്ങ​ളി​ൽ തു​ട​ർ​ച്ച​യാ​യി ഇ​റ​ങ്ങു​ന്നു​ണ്ട്.

ക​ൽ​ച്ചാ​ടി​യി​ലെ ക​ർ​ഷ​ക​രാ​യ എ.​ഐ. ജം​ഷീ​ദ്ഹ​സ​ൻ, വേ​ണു​ഗോ​പാ​ല​ൻ, അ​ബ്ബാ​സ് ഒ​റ​വ​ൻ​ചി​റ, രാ​ധാ​കൃ​ഷ്ണ​ൻ, പ​ണ്ടി​ക്കു​ടി എ​ൽ​ദോ​സ്, അ​ബ്ര​ഹാം പു​തു​ശ്ശേ​രി എ​ന്നി​വ​രു​ടെ കൃ​ഷി​യി​ട​ങ്ങ​ളി​ലാ​ണ് നാ​ശം വ​രു​ത്തി​യി​രി​ക്കു​ന്ന​ത്. തൊ​ഴി​ലാ​ളി​ക​ളാ​ണ് റ​ബ​ർ​തോ​ട്ട​ങ്ങ​ളി​ൽ കാ​ട്ടാ​ന​ക്കൂ​ട്ട​ത്തെ ക​ണ്ട​ത്. ഒ​ച്ച വ​ച്ച​തോ​ടെ ചെ​റി​യ കു​ട്ടി ഉ​ൾ​പ്പെ​ടെ​യു​ള്ള നാ​ലം​ഗ കാ​ട്ടാ​ന​ക്കൂ​ട്ടം പ്ര​ദേ​ശ​ത്തെ വൈ​ദ്യു​ത​വേ​ലി ത​ക​ർ​ത്ത് പു​ഴ​യി​ലേ​ക്കി​റ​ങ്ങി സ​മീ​പ​ത്തെ വ​ന​മേ​ഖ​ല​യി​ലേ​ക്കു ക​യ​റി​പ്പോ​യി.