വ​ണ്ടി​ത്താ​വ​ളം: റോ​ഡി​ൽ കി​ട​ന്ന സ്വ​ർ​ണ​മാ​ല എ​ടു​ത്ത് പോ​ലീ​സി​നു കൈ​മാ​റി ന​ന്ദി​യോ​ട് ഹൈ​സ്കൂ​ളി​ലെ അ​ഞ്ചു വി​ദ്യാ​ർ​ഥി​ക​ൾ നാ​ട്ടു​കാ​രു​ടെ പൊ​ൻതാ​ര​ങ്ങ​ളാ​യി. ഏ​ഴാം​ത​ര​ത്തി​ൻ പ​ഠി​ക്കു​ന്ന എ​ൻ.​ജെ. ന​യ​ന, എം. ​ന​വീ​ൻ, എ.​എ​സ്. ഗ​ണി​ത്, എ​ൻ.​എ​സ്. അ​ജ്മ​ൽ, എ​സ്. സു​ധീ​ൻ എ​ന്നി​വ​രാ​ണ് റോ​ഡി​ൽനി​ന്നും കി​ട്ടി​യ സ്വ​ർ​ണ​മാ​ല പോ​ലീ​സി​നു കൈ​മാ​റി​യ​ത്.

തി​ങ്ക​ളാ​ഴ്ച വൈ​കു​ന്നേ​രം അ​ഞ്ചി​നാ​യി​രു​ന്നു സം​ഭ​വം. മാ​ല​യു​ടെ ലോ​ക്ക​റ്റി​ൽ 916 എ​ന്ന് എ​ഴു​തി​യ​ത് തി​രി​ച്ച​റി​ഞ്ഞ​തോ​ടെ കാ​ര്യ​ത്തി​ന്‍റെ ഗൗ​ര​വം മ​ന​സി​ലാ​ക്കി. വി​ദ്യാ​ർ​ഥി​ക​ൾ അ​ടു​ത്തു ത​ന്നെ​യു​ള്ള ഒ​രു ത​ട്ടു​ക​ട​യി​ലു​ണ്ടാ​യി​രു​ന്ന സ്ത്രീവ്യാ​പാ​രി​യി​ൽ നി​ന്നും മൊ​ബൈ​ൽ വാ​ങ്ങി​ച്ച് 100 ൽ ​വി​ളി​ച്ചു സ്വ​ർ​ണച്ചെയി​ൻ ല​ഭി​ച്ച വി​വ​രം പ​റ​ഞ്ഞു. ഉ​ട​ൻത​ന്നെ വി​വ​രം അ​ധി​കൃ​ത​ർ മീ​നാ​ക്ഷി​പു​രം പോ​ലീ​സി​നു കൈ​മാ​റി.

ഇ​ന്ന​ലെ രാ​വി​ലെ എ​സ്എ​ച്ച്ഒ ഇ​ൻ​സ്പെ​ക്ട​ർ ശ​ശി​ധ​ര​ന്‍റെ നേ​തൃ​ത്വ​ത്തി​ൽ പോ​ലീ​സ് സം​ഘം സ്കൂ​ളി​ലെ​ത്തി വി​ദ്യാ​ർ​ഥി​ക​ളി​ൽ നി​ന്നും മാ​ല കൈ​പ്പ​റ്റു​ക​യും ബാ​ല​മ​ന​സു​ക​ളി​ലെ സാ​മൂ​ഹ്യ പ്ര​തി​ബ​ദ്ധ​ത​യെ വാ​ഴ്ത്തു​ക​യും ചെ​യ്തു. അ​ധ്യാ​പ​ക​രും പി​ടി​എ ക​മ്മി​റ്റി അം​ഗ​ങ്ങ​ളും വി​ദ്യാ​ഥി​ക​ളെ അ​നു​മോ​ദി​ച്ചു.