ചേ​ല​ക്ക​ര: തു​ട​ക്കം മു​ത​ൽ​ക്കേ ആ​വേ​ശം. ചേ​ല​ക്ക​ര​യി​ലെ എ​ൽ​ഡി​എ​ഫ് ക്യാം​പു​ക​ളി​ൽ ഇ​ന്ന​ലെ ക​ണ്ട​ത് ഇ​ര​ട്ടി ആ​ത്മ​വി​ശ്വാ​സ​മാ​യി​രു​ന്നു. മു​ന്നോ​ട്ടുവച്ച ചു​വ​ട് ഒ​രി​ക്ക​ൽ പോ​ലും എ​തി​ർ​സ്ഥാ​നാ​ർ​ഥി​ക്കാ​യി മാ​റ്റേ​ണ്ട അ​വ​സ്ഥ ഇ​ല്ലാ​തി​രു​ന്ന​തി​നാ​ൽ പോ​സ്റ്റ​ൽ വോ​ട്ട് എ​ണ്ണു​ന്പോ​ൾ മു​ത​ൽ​ എ​ൽ​ഡി​എ​ഫ് ക്യാന്പുക​ളി​ൽ ആ​വേ​ശം അലതല്ലി.

ചേ​ല​ക്ക​ര​യു​ടെ ചെ​ങ്കോ​ട്ട ത​ക​രും എ​ന്ന യു​ഡി​എ​ഫി​ന്‍റെ അ​മി​താ​വേ​ശ​വും അ​ട്ടി​മ​റി മു​ന്നേ​റ്റ​ങ്ങ​ൾ ഉ​ണ്ടാ​കു​മെ​ന്ന ബി​ജെ​പി ഡി​എം​കെ ക്യാം​പു​ക​ളു​ടെ പ്ര​തീ​ക്ഷ​യും ത​കി​ടം മ​റി​ച്ചാ​യി​രു​ന്നു ഇ​ട​തു​മു​ന്ന​ണി​ സ്ഥാ​നാ​ർ​ഥി യു.​ആ​ർ. പ്ര​ദീ​പി​ന്‍റെ തേ​രോ​ട്ടം. ഓ​രോ ത​വ​ണ​യും ഭൂ​രി​പ​ക്ഷം ഉ​യ​രു​ന്പോ​ഴും പ്ര​വ​ർ​ത്ത​ക​ർ വി​ജ​യാ​ര​വം മു​ഴ​ക്കി​യും മ​ധു​രം​പ​ങ്കു​വ​ച്ചും ചു​വ​ടു​ക​ൾ​വ​ച്ചും ത​ങ്ങ​ളു​ടെ സ​ന്തോ​ഷം പ്ര​ക​ട​മാ​ക്കി.

എ​ന്നാ​ൽ മ​റു​ത​ല​യ്ക്ക​ൽ വി​ജ​യ​പ്ര​തീ​ക്ഷ​ക​ൾ ത​ക​ർ​ന്ന​ടി​ഞ്ഞ യു​ഡി​എ​ഫ് ക്യന്പുക​ളി​ൽ മു​ഖം​വാ​ടി ത​ല​കു​ന്പി​ട്ടി​രി​ക്കു​ക​യാ​യി​രു​ന്നു നേ​താ​ക്ക​ളും പ്ര​വ​ർ​ത്ത​ക​രും. എ​ങ്കി​ലും ഭ​ര​ണ​വി​രു​ദ്ധവി​കാ​രം ഉ​ൾ​ക്കൊ​ണ്ട ചേ​ല​ക്ക​ര​ക്കാ​ർ ഇ​ട​തു​മു​ന്ന​ണി സ്ഥാ​നാ​ർ​ഥി​യു​ടെ വി​ജ​യ​ത്തി​ന്‍റെ തി​ള​ക്കം കു​റ​യ്ക്കാ​ൻ ഒ​പ്പം​നി​ന്നു​വെ​ന്ന് യു​ഡി​എ​ഫും, വോ​ട്ട് വ​ർ​ധി​പ്പി​ക്കാ​ൻ ക​ഴി​ഞ്ഞു​വെ​ന്ന് ബി​ജെ​പി​യും ആ​ശ്വാ​സം​കൊ​ള്ളു​ന്നു.