സംസ്ഥാന ചെസ് ഇന്‍ സ്‌കൂള്‍ മത്സരങ്ങള്‍ ആരംഭിച്ചു
1481599
Sunday, November 24, 2024 5:37 AM IST
ഇരിങ്ങാലക്കുട: സംസ്ഥാന ചെസ് ഇന്‍ സ്‌കൂള്‍ മത്സരങ്ങള്‍ ഇരിങ്ങാലക്കുട സെന്‍റ് ജോസഫ് കോളജ് ഇന്‍ഡോര്‍ സ്റ്റേഡിയത്തില്‍ ആരംഭിച്ചു.
ലയണ്‍സ് ക്ലബ് ഡിസ്ട്രിക്ട് ഗവര്‍ണര്‍ ജെയിംസ് പോള്‍ വളപ്പില ഒമ്പത് വയസിന് താഴെയുള്ള ദേശീയ ചാമ്പ്യന്‍ ഡി.വി. വിജയേഷുമായി കരുനീക്കിഉദ്ഘാടനം നിര്‍വഹിച്ചു. ഇരിങ്ങാലക്കുട ലയണ്‍സ് ക്ലബ് പ്രസിഡന്‍റ് ബിജു ജോസ് കൂനന്‍ അധ്യക്ഷത വഹിച്ചു. സെന്‍റ് ജോസഫ് കോളജ് പ്രിന്‍സിപ്പല്‍ സിസ്റ്റര്‍ ഡോ. ബ്ലെസി മുഖ്യാതിഥിയായിരുന്നു.
ചെസ് അസോസിയേഷന്‍ സെക്രട്ടറി പീറ്റര്‍ ജോസഫ്, ചാമ്പ്യന്‍ഷിപ്പ് കോ-ഓര്‍ഡിനേറ്റര്‍ പോള്‍ തോമസ് മാവേലി, ജോണ്‍ നിതിന്‍ തോമസ്, ഡോ. ഡേയിന്‍ ആന്‍റണി എന്നിവര്‍ പങ്കെടുത്തു.
കേരളത്തിലെ 14 ജില്ലകളില്‍ നിന്നുമായി 557 കളിക്കാര്‍ പങ്കെടുക്കുന്ന ചാമ്പ്യന്‍ഷിപ്പ് നാളെ സമാപിക്കും.
ഈ ചാമ്പ്യന്‍ഷിപ്പില്‍നിന്നും തെരഞ്ഞെടുക്കപ്പെടുന്നവര്‍ ജനുവരിയില്‍ നടക്കുന്ന ദേശീയ ചെസ് ഇന്‍ സ്‌കൂള്‍ ചാമ്പ്യന്‍ഷിപ്പില്‍ കേരളത്തെ പ്രതിനിധീകരിക്കും.