ക​ള​മ​ശേ​രി: സ്വി​റ്റ്‌​സ​ർ​ല​ൻ​ഡി​ലെ ജ​നീ​വ​യി​ൽ ലോ​കാ​രോ​ഗ്യ സം​ഘ​ട​ന​യു​ടെ ആ​സ്ഥാ​ന​ത്ത് ന​ട​ന്ന ഗ്ലോ​ബ​ൽ മോ​ഡ​ൽ വേ​ൾ​ഡ് ഹെ​ൽ​ത്ത് ഓ​ർ​ഗ​നൈ​സേ​ഷ​ൻ സ​മ്മേ​ള​ന​ത്തി​ൽ (ജി​എം​ഡ​ബ്ല്യു​എ​ച്ച്ഒ) ക​ള​മ​ശേ​രി രാ​ജ​ഗി​രി പ​ബ്ലി​ക് സ്‌​കൂ​ൾ മി​ക​ച്ച ലാ​ർ​ജ് ഹൈ​സ്‌​കൂ​ൾ ഡെ​ലി​ഗേ​ഷ​ൻ അ​വാ​ർ​ഡ് ക​ര​സ്ഥ​മാ​ക്കി ശ്ര​ദ്ധ​നേ​ടി.

ഫാ​ക്ക​ൽ​റ്റി അം​ഗ​വും കോ ​ഓ​ർ​ഡി​നേ​റ്റ​റു​മാ​യ ബി​ന്നി വ​ർ​ഗീ​സി​ന്‍റെ നേ​തൃ​ത്വ​ത്തി​ൽ രാ​ജ​ഗി​രി പ്ര​തി​നി​ധി സം​ഘം തി​ള​ങ്ങി. രാ​ജ​ഗി​രി പ​ബ്ലി​ക് സ്കൂ​ൾ പ്ര​തി​നി​ധി​ക​ളാ​യ ക്‌​ളാ​സ് 11 ലെ ​വി​ദ്യാ​ർ​ഥി​ക​ൾ ഋ​ഷി ഗൗ​തം, ഇ​വാ​ൻ ബെ​ഞ്ച​മി​ൻ ബി​നു, ഹ​രി​ത രാ​ജീ​വ് എ​ന്നി​വ​ർ​ക്ക് ഡി​പ്ലോ​മ​സി പു​ര​സ്കാ​ര​വും റോ​സ് കാ​പ്പ​ന് മി​ക​ച്ച പൊ​സി​ഷ​ൻ പേ​പ്പ​റി​നു​ള്ള പു​ര​സ്കാ​ര​വും ല​ഭി​ച്ചു. ഇ​ത് അ​വ​രു​ടെ ന​യ​ത​ന്ത്ര വൈ​ദ​ഗ്ധ്യ​ത്തി​നു ല​ഭി​ച്ച അം​ഗീ​കാ​ര​മാ​ണ്.

ലോ​കാ​രോ​ഗ്യ സം​ഘ​ട​ന​യും വേ​ൾ​ഡ് ഫെ​ഡ​റേ​ഷ​ൻ ഓ​ഫ് യു​ണൈ​റ്റ​ഡ് നേ​ഷ​ൻ​സ് അ​സോ​സി​യേ​ഷ​നും സം​യു​ക്ത​മാ​യി 2024 ഒ​ക്ടോ​ബ​ർ 29 മു​ത​ൽ ന​വം​ബ​ർ ഒന്നു വ​രെ ആ​ഗോ​ള ആ​രോ​ഗ്യ വെ​ല്ലു​വി​ളി​ക​ൾ എ​ന്ന വി​ഷ​യ​ത്തെ മു​ൻ​നി​ർ​ത്തി ലോ​കാരോ​ഗ്യ സം​ഘ​ട​ന വി​ദ​ഗ്ധ​രു​മാ​യി സം​വാ​ദ​ങ്ങ​ൾ ന​ട​ത്തി​യ പ​രി​പാ​ടി​യി​ൽ 52 രാ​ജ്യ​ങ്ങ​ളി​ൽ നി​ന്നു​ള്ള 400 യു​വ പ്ര​തി​നി​ധി​ക​ൾ ഒ​ത്തു​ചേ​ർ​ന്നു.

ലോ​കാ​രോ​ഗ്യ സം​ഘ​ട​ന ഡ​യ​റ​ക്ട​ർ ജ​ന​റ​ൽ ഡോ. ​ടെ​ഡ്രോ​സ് അ​ദാ​നോം ഗെ​ബ്രി​യേ​സ​സ് ഉ​ദ്ഘാ​ട​ന പ്ലീ​ന​റി​യി​ൽ അ​ധ്യ​ക്ഷ​ത വ​ഹി​ച്ചു.