മു​ട്ടം: ജ​ൽ​ജീ​വ​ൻ മി​ഷ​ൻ പ​ദ്ധ​തി​ക്കാ​യി കു​ത്തി​പ്പൊ​ളി​ച്ച റോ​ഡ് അ​റ്റ​കു​റ്റ​പ്പ​ണി ന​ട​ത്താ​ത്ത അ​ധി​കൃ​ത​രു​ടെ ന​ട​പ​ടി​യി​ൽ പ്ര​തി​ഷേ​ധി​ച്ച് മാ​ത്ത​പ്പാ​റ​യി​ലെ ജ​ന​ങ്ങ​ൾ പ്ര​ക്ഷോ​ഭ​ത്തി​ന് ഒ​രു​ങ്ങു​ന്നു. മു​ട്ടം, കു​ട​യ​ത്തൂ​ർ, ക​രി​ങ്കു​ന്നം പ​ഞ്ചാ​യ​ത്തു​ക​ളി​ൽ ശു​ദ്ധ​ജ​ല വി​ത​ര​ണം ന​ട​ത്തു​ക ല​ക്ഷ്യ​ത്തോ​ടെ​യാ​ണ് മാ​ത്ത​പ്പാ​റ, അ​ന്പാ​ട്ടു കോ​ള​നി, ഐ​എ​ച്ച്ഡി​പി പ്ര​ദേ​ശ​ങ്ങ​ളി​ലേ​ക്കു​ള്ള റോ​ഡ് കു​ത്തി​പ്പൊ​ളി​ച്ച് പൈ​പ്പു​ക​ൾ സ്ഥാ​പി​ച്ച​ത്.

എ​ന്നാ​ൽ, റോ​ഡ് ത​ക​രാ​റി​ലാ​ക്കി ഒ​രു വ​ർ​ഷം ക​ഴി​ഞ്ഞി​ട്ടും ജ​ൽ​ജീ​വ​ൻ മി​ഷ​ൻ അ​ധി​കൃ​ത​ർ റോ​ഡി​ലെ ടാ​റിം​ഗ് ന​ട​ത്താ​ൻ ത​യാ​റാ​യി​ല്ല. ഇ​തേത്തു​ട​ർ​ന്ന് പ്ര​ദേ​ശ​വാ​സി​ക​ൾ ഏ​റെ ദു​രി​ത​ത്തി​ലാ​ണ്. റോ​ഡ് കു​ത്തി​പ്പൊ​ളി​ക്കു​ന്ന​തി​നെ​തി​രേ ജ​ന​ങ്ങ​ൾ പ്ര​തി​ഷേ​ധി​ച്ച​പ്പോ​ൾ ഒ​രാ​ഴ്ച​ക്ക​കം ടാ​റിം​ഗ് ന​ട​ത്തു​മെ​ന്ന് അ​ധി​കൃ​ത​ർ ഉ​റ​പ്പു ന​ൽ​കി​യി​രു​ന്നു.

പൈ​പ്പു​ക​ൾ സ്ഥാ​പി​ച്ച് മ​ണ്ണി​ട്ട് മൂ​ടി​യ കൂ​ടു​ത​ൽ സ്ഥ​ല​ങ്ങ​ളി​ലും റോ​ഡ് ഇ​ടി​ഞ്ഞുതാ​ഴ്ന്ന് അ​പ​ക​ടാ​വ​സ്ഥ​യി​ലാ​ണ്. ഇ​രു​ച​ക്ര വാ​ഹ​ന​ങ്ങ​ൾ​ക്കും സ്കൂ​ൾ വാ​ഹ​ന​ങ്ങ​ൾ​ക്കും ഉ​ൾ​പ്പെ​ടെ ക​ട​ന്നുപോ​കാ​നും ക​ഴി​യു​ന്നി​ല്ല. ഓ​ട്ടോ​ക​ളും ഇ​വി​ടേ​ക്ക് വ​രാ​ത്ത സാ​ഹ​ച​ര്യ​മാ​യ​തി​നാ​ൽ മു​ട്ടം ടൗ​ണി​ൽനി​ന്ന് നി​ത്യോ​പ​യോ​ഗ സാ​ധ​ന​ങ്ങ​ൾ ആ​ളു​ക​ൾ ത​ല​ച്ചു​മ​ടാ​യി​ട്ടാ​ണ് എ​ത്തി​ക്കു​ന്ന​ത്. ഇ​തി​ലൂ​ടെ ക​ട​ന്നുപോ​കു​ന്ന വാ​ഹ​ന​ങ്ങ​ൾ ഇ​ള​കി​യ മെ​റ്റ​ലി​ലും ഗ​ർ​ത്ത​ങ്ങ​ളി​ലും ക​യ​റി​യി​റ​ങ്ങി അ​പ​ക​ട​ങ്ങ​ൾ സം​ഭ​വി​ക്കു​ന്ന​തും പ​തി​വാ​ണ്.

ടാ​റിം​ഗ് ന​ട​ത്തി റോ​ഡ് പു​നഃസ്ഥാ​പി​ക്കാ​ൻ അ​ധി​കൃ​ത​ർ ത​യാ​റാ​യി​ല്ലെ​ങ്കി​ൽ പ​ദ്ധ​തി​ക്കാ​യി പെ​രു​മ​റ്റ​ത്തി​ന് സ​മീ​പം നി​ർ​മാ​ണം പൂ​ർ​ത്തി​യാ​യി വ​രു​ന്ന ശു​ചീ​ക​ര​ണ പ്ലാ​ന്‍റി​ലേ​ക്ക് മാ​ർ​ച്ചും ധ​ർ​ണ​യും സം​ഘ​ടി​പ്പി​ക്കു​മെ​ന്ന് പ്ര​ദേ​ശ​വാ​സി​ക​ൾ പ​റ​ഞ്ഞു.