മലങ്കര ടൂറിസം വികസനം: സാധ്യതാ പഠനം നടത്തി
1464238
Sunday, October 27, 2024 4:27 AM IST
മുട്ടം: മലങ്കര ടൂറിസം ഹബ്ബിന്റെ വികസന സാധ്യതകൾ സംബന്ധിച്ച് ഐടി പ്രഫഷണൽ കോണ്ഗ്രസ് സംസ്ഥാന ചെയർമാൻ അപു ജോണ് ജോസഫിന്റെ നേതൃത്വത്തിലുള്ള സംഘം പദ്ധതി പ്രദേശം സന്ദർശിച്ചു.
മൂന്നു കോടിയോളം മുടക്കി അഞ്ച് വർഷം മുന്പ് നിർമിച്ച എൻട്രൻസ് പ്ലാസ പ്രവർത്തിപ്പിക്കൽ, ജലം മലിനീകരണമില്ലാതെ ബോട്ടിംഗ്, തൊഴിൽ അവസരങ്ങൾ വർധിപ്പിക്കാൻ സർക്കാർ, സ്വകാര്യ മേഖല എന്നിവർക്ക് സംരംഭങ്ങൾ ആരംഭിക്കാനുള്ള അനുമതി തുടങ്ങിയ സാധ്യതകൾ സംഘം പരിശോധിച്ചു.
പഞ്ചായത്ത് പ്രസിഡന്റ് ഷേർളി അഗസ്റ്റിൻ, സെന്റർ ഫോർ റീജണൽ സ്റ്റഡി ചെയർമാൻ സുജി മാസ്റ്റർ, മുട്ടം ടൂറിസം കൾച്ചറൽ സൊസൈറ്റി പ്രസിഡന്റ് ടോമി ജോർജ് മൂഴിക്കുഴിയിൽ, കേരള കോണ്ഗ്രസ് മണ്ഡലം പ്രസിഡന്റ് അഗസ്റ്റിൻ കള്ളികാട്ട്, രഞ്ജിത്ത് മനപ്പുറത്ത്, ജോബി തീക്കുഴിവേലിൽ എന്നിവർ പങ്കെടുത്തു.