ഇളംദേശം ബ്ലോക്ക് പഞ്ചായത്ത്: വിവിധ പദ്ധതികൾക്ക് തുക അനുവദിച്ചു
1464018
Saturday, October 26, 2024 4:12 AM IST
ഇളംദേശം: ബ്ലോക്ക് പഞ്ചായത്ത് ആലക്കോട് ഡിവിഷനു കീഴിലുള്ള വിവിധ പദ്ധതികൾക്ക് തുക അനുവദിച്ചതായി പ്രസിഡന്റ് ടോമി കാവാലം അറിയിച്ചു. എംഎൽഎ ഫണ്ടിനു പുറമെ ജില്ലാ പഞ്ചായത്ത്, ബ്ലോക്ക് പഞ്ചായത്ത് എന്നിവിടങ്ങളിൽനിന്നുള്ള തുകയും ഇതിൽ ഉൾപ്പെടും.
അഞ്ചിരി-വേങ്ങപ്പാറ റോഡ്-10 ലക്ഷം (ബ്ലോക്ക് പഞ്ചായത്ത്), ഇടിവെട്ടിപ്പാറ കുടിവെള്ള വിതരണം-10 ലക്ഷം (ബ്ലോക്ക് പഞ്ചായത്ത്), അഞ്ചിരി 107-ാം നന്പർ അങ്കണവാടിക്ക് പുതിയ കെട്ടിട നിർമാണം-22 ലക്ഷം (എംഎൽഎ ഫണ്ട്).
ചിലവ്-കൊക്കലം റോഡ്-എട്ടുലക്ഷം (എംഎൽഎ ഫണ്ട്), ആലക്കോട് തൈപ്പറന്പിൽ റോഡ്-5 ലക്ഷം (എംഎൽഎ ഫണ്ട്), അഞ്ചിരിക്കവല-ഇഞ്ചിയാനി റോഡ് മെയിന്റനൻസ്-10 ലക്ഷം (ജില്ലാ പഞ്ചായത്ത്), അഞ്ചിരിക്കവല-ഇഞ്ചിയാനി റോഡ് ടീ ടാറിംഗ്-ഏഴു ലക്ഷം (ബ്ലോക്ക് പഞ്ചായത്ത്), അഞ്ചിരി-മലങ്കര റോഡ്-എട്ട് ലക്ഷം (എംഎൽഎ ഫണ്ട്), ഇൻഫന്റ് ജീസസ് എൽപി സ്കൂൾ പാചകപ്പുര നിർമാണം-അഞ്ച് ലക്ഷം (എംഎൽഎ ഫണ്ട്) എന്നിങ്ങനെയാണ് തുക അനുവദിച്ചത്.
പദ്ധതികളുടെ ടെൻഡർ നടപടികൾ പൂർത്തീകരിച്ച് മാർച്ച് 31നകം നിർമാണം പൂർത്തീകരിക്കുമെന്ന് ബ്ലോക്ക് പഞ്ചായത്ത് പ്രസിഡന്റ് അറിയിച്ചു.