ലാപ്ടോപ്പുകൾ വിതരണം ചെയ്തു
1464020
Saturday, October 26, 2024 4:12 AM IST
ചെറുതോണി: കോട്ടയം അതിരൂപതയുടെ സാമൂഹ്യ സേവന വിഭാഗമായ ഗ്രീൻവാലി ഡവലപ്മെന്റ് സൊസൈറ്റിയുടെ നേതൃത്വത്തിൽ ജില്ലയിലെ 14 പഞ്ചായത്തുകളിൽ പ്രവർത്തിക്കുന്ന സ്വാശ്രയ സംഘ പ്രവർത്തകരുടെ പഠിതാക്കളായ മക്കൾക്ക് ലാപ്ടോപ്പുകൾ വിതരണം ചെയ്തു. നാഷണൽ എൻജിഒ കോണ്ഫെഡറേഷന്റെ സഹകരണത്തോടെയാണ് പദ്ധതി നടപ്പാക്കിയത്.
സാധാരണക്കാരായ വിദ്യാർഥികൾക്ക് ലാപ്ടോപ്പുകൾ വാങ്ങുന്നതിന് 50ശതമാനം സാന്പത്തിക സഹായത്തോടൊപ്പം വായ്പാസൗകര്യവും ലഭ്യമാക്കിയാണ് പദ്ധതി നടപ്പാക്കിയത്. മൂന്നാംഘട്ട വിതരണ പദ്ധതിയുടെ ഉദ്ഘാടനം ചക്കുപള്ളം ഗ്രാമ വികസനസമിതി പ്രസിഡന്റ് ഫാ. സ്റ്റിജോ തേക്കുംകാട്ടിൽ നിർവഹിച്ചു.
ഗ്രീൻവാലി ഡെവലപ്മെന്റ് സൊസൈറ്റി സെക്രട്ടറി ഫാ. ജോബിൻ പ്ലാച്ചേരിപ്പുറത്ത് അധ്യക്ഷത വഹിച്ചു. പ്രോഗാം ഓഫീസർ സിറിയക് പറമുണ്ടയിൽ, പ്രോഗ്രാം കോ-ഓർഡിനേറ്റർ സിസ്റ്റർ ജിജി വെളിഞ്ചായിൽ, മേരി സുമി, മെറിൻ ഏബ്രഹാം, ജസ്റ്റിൻ നന്ദികുന്നേൽ, എൽസമ്മ തോമസ് എന്നിവർ പ്രസംഗിച്ചു.