വിദ്യാര്‍ഥികള്‍ സമൂഹത്തിൽ പ്രതിബദ്ധത ഉള്ളവരാകണം: പി.ജെ. ജോസഫ്
1463779
Friday, October 25, 2024 4:02 AM IST
തൊടുപുഴ: വിദ്യാര്‍ഥികള്‍ സമൂഹത്തില്‍ കൂടുതല്‍ പ്രതിബദ്ധതയുള്ളവരാകണമെന്നു കേരള കോണ്‍ഗ്രസ് ചെയര്‍മാന്‍ പി.ജെ. ജോസഫ് എംഎല്‍എ. 60-ാമത് കെഎസ്‌സി ജന്മദിന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
വിദ്യാഭ്യാസത്തിലൂടെ സമൃദ്ധി കൈവരിക്കുന്നവര്‍ സമൂഹത്തെ മറക്കുന്നവരാകരുത്.ലോകോത്തര നിലവാരമുള്ള തൊഴില്‍ പ്രാവീണ്യ കോഴ്‌സുകള്‍ ഇവിടുത്തെ സര്‍കലാശാലകളില്‍ ആരംഭിക്കേതുണ്ടെന്നും വിദേശത്തെ വിദ്യാര്‍ഥികളെ ആകര്‍ഷിക്കുന്ന സംസ്ഥാനമായി കേരളത്തെ മാറ്റാന്‍ നമ്മുടെ സര്‍വകലാശാലകള്‍ക്ക് കഴിയുമെന്നും ജോസഫ് പറഞ്ഞു.
യോഗത്തില്‍ കേക്ക് മുറിച്ച് ഒരു വര്‍ഷംനീണ്ടുനില്‍ക്കുന്ന ആഘോഷങ്ങള്‍ക്കു തുടക്കം കുറിച്ചു. കെഎസ്‌സി സംസ്ഥാന പ്രസിഡന്‍റ് ജോണ്‍സ് ജോര്‍ജ് അധ്യക്ഷത വഹിച്ചു.പാര്‍ട്ടിവര്‍ക്കിംഗ് ചെയര്‍മാന്‍ അഡ്വ. പി.സി. തോമസ് മുഖ്യപ്രഭാഷണം നടത്തി.
എക്‌സിക്യൂട്ടീവ് ചെയര്‍മാന്‍ മോന്‍സ് ജോസഫ് എംഎല്‍എ ജന്മദിന സന്ദേശം നല്‍കി. സെക്രട്ടറി ജനറല്‍ ജോയി ഏബ്രഹാം എക്‌സ് എംപി, കെ. ഫ്രാന്‍സിസ് ജോര്‍ജ് എംപി, തോമസ് ഉണ്ണിയാടന്‍ എക്‌സ് എംഎല്‍എ, പ്രഫ. എം. ജെ. ജേക്കബ്, പ്രഫ. ഷീല സ്റ്റീഫന്‍, അപു ജോണ്‍ ജോസഫ്, അഡ്വ. ജോസഫ് ജോണ്‍,
അഡ്വ. ജോസി ജേക്കബ്, എം.മോനിച്ചന്‍, അഡ്വ. ജെയ്‌സണ്‍ ജോസഫ്, ക്ലമന്റ് ഇമ്മാനുവല്‍, ജെയ്‌സ് ജോണ്‍, അഡ്വ.ജോര്‍ജ് ജോസഫ്, നോയല്‍ ലൂക്ക്, എം.കെ. ചന്ദ്രന്‍, ജെന്‍സ് നിരപ്പേല്‍, സ്റ്റീഫന്‍ പ്ലാക്കൂട്ടം, തേജസ് ബി. തറയില്‍ തുടങ്ങിയവര്‍ പ്രസംഗിച്ചു.