പി.ജെ. ജോസഫിന്റെ വീട്ടിലേക്ക് യൂത്ത്ഫ്രണ്ട് -എം മാർച്ച് നടത്തി
1464229
Sunday, October 27, 2024 4:17 AM IST
തൊടുപുഴ: എംഎൽഎയുടെ നിഷ്ക്രിയത്വംമൂലം തൊടുപുഴയുടെ വികസനം മുരടിച്ചതിൽ പ്രതിഷേധിച്ചു യൂത്ത്ഫ്രണ്ട്-എം നിയോജകമണ്ഡലം കമ്മിറ്റിയുടെ ആഭിമുഖ്യത്തിൽ പി.ജെ. ജോസഫ് എംഎൽഎയുടെ വസതിയിലേക്കു മാർച്ചും ധർണയും നടത്തി. ജില്ലാ പ്രസിഡന്റ് ജോമോൻ പൊടിപാറ ഉദ്ഘാടനം ചെയ്തു. നിയോജക മണ്ഡലം പ്രസിഡന്റ് റോയിസണ് കുഴിഞ്ഞാലിൽ അധ്യക്ഷത വഹിച്ചു. ജില്ലാ പ്രസിഡന്റ് ജോമോൻ പൊടിപാറ ഉദ്ഘാടനം ചെയ്തു.
1996-2001 കാലഘട്ടത്തിലെ ഇടതുസർക്കാരിന്റെ കാലത്താണ് തൊടുപുഴയിൽ ബൈപാസുകൾ ഉൾപ്പെടെയുള്ള വികസനപ്രവർത്തനങ്ങൾ ഉണ്ടായത്. അതിനുശേഷം യാതൊരുവിധ വികസനപ്രവർത്തനവും തൊടുപുഴയിൽ ഉണ്ടായിട്ടില്ലെന്നും ഇതിന്റെ ഉത്തരവാദിത്വം ഏറ്റെടുത്ത് അദ്ദേഹം രാജിവയ്ക്കണമെന്നും നേതാക്കൾ ആവശ്യപ്പെട്ടു.
മാർച്ച് എംഎൽഎയുടെ വസതിക്കു സമീപം പോലീസ് തടഞ്ഞു. പാർട്ടി നിയോജക മണ്ഡലം പ്രസിഡന്റ് ജിമ്മി മറ്റത്തിപ്പാറ, തോമസ് വെളിയത്തുമാലിൽ, വിപിൻ സി. അഗസ്റ്റിൻ, അനു ആന്റണി, ജോമി കുന്നപ്പിള്ളി, ജെഫിൻ കൊടുവേലിൽ, അംബിക ഗോപാലകൃഷ്ണൻ, ബിജു ഇല്ലിക്കൽ, ജിംറ്റി തൈമറ്റത്തിൽ, എബിറ്റ് മലേപ്പറന്പിൽ എന്നിവർ പ്രസംഗിച്ചു.