ബിഷപ് വയലിൽ ആശുപത്രി പുതിയ ബ്ലോക്കിന്റെ ഉദ്ഘാടനം നാളെ
1464007
Saturday, October 26, 2024 4:01 AM IST
മൂലമറ്റം: ബിഷപ് വയലിൽ ആശുപത്രിയോടനൂബന്ധിച്ച് പുതുതായി നിർമിച്ച ധന്യൻ മാത്യു കദളിക്കാട്ടിൽ ബ്ലോക്കിന്റെ ഉദ്ഘാടനം നാളെ ഉച്ചകഴിഞ്ഞ് രണ്ടിനു നടക്കും. എസ്എച്ച് സുപ്പീരിയർ ജനറൽ സിസ്റ്റർ അൽഫോൻസ തോട്ടുങ്കൽ അധ്യക്ഷത വഹിക്കും. മന്ത്രി റോഷി അഗസ്റ്റിൻ ഉദ്ഘാടനം ചെയ്യും. എസ്എച്ച് പ്രൊവിൻഷ്യൽ സുപ്പീരിയർ സിസ്റ്റർ ലിസ്ബത്ത് കടുക്കുന്നേൽ ആമുഖപ്രഭാഷണം നടത്തും. ഡീൻ കുര്യാക്കോസ് എംപി മുഖ്യപ്രഭാഷണം നിർവഹിക്കും.
ഹോം കെയർ സർവീസ് ജില്ലാ പഞ്ചായത്തംഗം പ്രഫ.എം.ജെ. ജേക്കബ് ഉദ്ഘാടനം ചെയ്യും. സെന്റ് ജോർജ് ഫൊറോന വികാരി ഫാ. കുര്യൻ കാലായിൽ പുതിയ മന്ദിരം തുറന്നു നൽകും. ചാപ്ലയിൻ റവ.ഡോ. തോമസ് പാറയ്ക്കൽ പ്രാർഥന ശുശ്രൂഷ നിർവഹിക്കും. വികാർ പ്രൊവിൻഷ്യൽ സിസ്റ്റർ റോസ് എബ്രഹാം,
പഞ്ചായത്ത് പ്രസിഡന്റ് കെ.എസ്.വിനോദ്, വൈസ് പ്രസിഡന്റ് സുബി ജോമോൻ, പഞ്ചായത്തംഗം സിനി തോമസ്, ഐഎംഎ ജില്ലാ ചെയർമാൻ ഡോ. സി.വി. ജേക്കബ്, സെന്റ് മാത്യൂസ് കോണ്വന്റ് സുപ്പീരിയർ സിസ്റ്റർ സെലിൻ പൂവംതുരുത്തിൽ, മെഡിക്കൽ സൂപ്രണ്ട് ഡോ. സിസ്റ്റർ ആനീസ് സിറിയക് എന്നിവർ പ്രസംഗിക്കും.