ഓട്ടോറിക്ഷ മോഷ്ടിച്ച് കടത്തുന്നതിനിടെ പ്രതി പോലീസ് പിടിയില്
1464010
Saturday, October 26, 2024 4:01 AM IST
അടിമാലി: ഓട്ടോറിക്ഷ മോഷ്ടിച്ച് കടത്തുന്നതിനിടെ പോലീസ് പട്രോളിംഗ് സംഘത്തിനു മുന്പില് എത്തിയ യുവാവിനെ പോലീസ് അറസ്റ്റ് ചെയ്തു. അടിമാലി മുക്കാലേക്കര് സ്വദേശി ജസ്റ്റിനാണ്(28) അടിമാലി പോലീസിന്റെ പിടിയിലായത്.
അടിമാലി സബ് ഇന്സ്പെക്ടര് അബ്ബാസിന്റെ നേതൃത്വത്തിലുള്ള പോലീസ് സംഘമാണ് പ്രതിയെ പിടികൂടിയത്. കഴിഞ്ഞ രാത്രി മുക്കാലേക്കര് റോഡരികില് പാര്ക്കചെയ്തിരുന്ന പടിക്കപ്പ് സ്വദേശിയുടെ ഓട്ടോറിക്ഷയാണ് പ്രതി മോഷ്ടിച്ച് കടത്താന് ശ്രമിച്ചത്. ഓട്ടോറിക്ഷയുമായി ടൗണിലേക്ക് വരുന്നതിനിടെ പ്രതി പോലീസ് പട്രോളിംഗ് സംഘത്തിന് മുമ്പില്പ്പെടുകയായിരുന്നു.
പിന്നീട് ഓട്ടോറിക്ഷ ഉടമ അടിമാലി പോലീസ് സ്റ്റേഷനില് വാഹനം കാണാനില്ലെന്ന് പരാതിയുമായി എത്തി. ഇതോടെയാണ് മോഷണം പോയ വാഹനം തിരികെ കിട്ടിയതായി വാഹന ഉടമ അറിയുന്നത്. പ്രതിയെ റിമാന്ഡ് ചെയ്തു.