ജിഎസ്ടി ഓഫീസിനു മുന്നിൽ കൂട്ടധർണ
1463777
Friday, October 25, 2024 4:02 AM IST
അടിമാലി: സംസ്ഥാന വ്യാപാരി വ്യവസായി സമിതി അടിമാലി ഏരിയാ കമ്മിറ്റിയുടെ നേതൃത്വത്തിൽ അടിമാലി ജിഎസ്ടി ഓഫീസിനു മുന്നിൽ കൂട്ടധർണ സംഘടിപ്പിച്ചു. റോഡ് വികസനത്തിനായി ഒഴിവാക്കപ്പെടുന്ന വ്യാപാരികൾക്ക് അർഹമായ നഷ്ടപരിഹാരം നൽകുക, വനം, വന്യജീവി നിയമം കാലാനുസൃതമായി പരിഷ്കരിക്കുക,
കടയുടെ വാടകയ്ക്ക് ഏർപ്പെടുത്തിയ 18 ശതമാനം നികുതി വ്യാപാരികളിൽ നിന്നും ഒഴിവാക്കുക, ചെറുകിട വ്യാപാരികൾക്ക് പട്ടയം നൽകുക തുടങ്ങി വിവിധ ആവശ്യങ്ങൾ ഉന്നയിച്ചാണ് കൂട്ട ധർണ സംഘടിപ്പിച്ചത്.
സാജൻ കുന്നേൽ ഉദ്ഘാടനം ചെയ്തു. ഷിജി കരിക്കിനേത്ത് അധ്യക്ഷത വഹിച്ചു. ജില്ലാ പ്രസിഡന്റ് റോജി പോൾ, ട്രഷറർ നൗഷാദ് ആലുംമൂട്ടിൽ, സോമൻ മിൽമ തുടങ്ങിയവർ പ്രസംഗിച്ചു.