പീരുമേട് ഉപജില്ലാ കലോത്സവത്തിന് പ്രൗഢഗംഭീര തുടക്കം
1463775
Friday, October 25, 2024 3:51 AM IST
ഉപ്പുതറ: പ്രൗഢഗംഭീരമായ വിളംബര റാലിയോടെ പീരുമേട് ഉപജില്ല കലോത്സവത്തിന് ഉപ്പുതറ സെന്റ് ഫിലോമിനാസ് ഹയർ സെക്കൻഡറി സ്കൂളിൽ തുടക്കമായി. പാരിഷ് ഹാളിൽ നടന്ന ചടങ്ങിൽ ജില്ലാ പഞ്ചായത്ത് പ്രസിഡന്റ് കെ.ടി. ബിനു ഉദ്ഘാടനം ചെയ്തു. ഉപ്പുതറ പഞ്ചായത്ത് പ്രസിഡന്റ് ജയിംസ് കെ. ജേക്കബ് അധ്യക്ഷത വഹിച്ചു.
ജില്ലാ പഞ്ചായത്ത് വൈസ് പ്രസിഡന്റ് ആശ ആന്റണി, സ്കൂൾ മാനേജർ ഫാ. ഡോമിനിക് കാഞ്ഞിരത്തിനാൽ, ഉപജില്ലാ വിദ്യാഭ്യാസ ഓഫീസർ എം. രമേഷ്, പ്രിൻസിപ്പൽ ജീമോൻ ജേക്കബ്, ജനറൽ കണ്വീനർ സജിൻ സ്കറിയ, ഫ്രാൻസിസ് അറയ്ക്കപറന്പിൽ എന്നിവർ പ്രസംഗിച്ചു.
തുടർന്ന് സ്കൂൾ ഗ്രൗണ്ടിൽ നിന്നാരംഭിച്ച വിളംബര റാലി ടൗണ് ചുറ്റി സെൻട്രൽ ജംഗ്ഷനിൽ സമാപിച്ചു. നൂറു കണക്കിന് വിദ്യാർഥികളും ജനപ്രതിനിധികളും ഉൾപ്പെടെയുള്ളവർ പങ്കെടുത്തു.
വി.പി.ജോണ്, എം.ടി. മനോജ്, ഷീബ സത്യനാഥ്. സാബു ജോസഫ്, എം.എൻ. സന്തോഷ്, കെ. കലേഷ് കുമാർ, അരുണ് പൊടിപാറ, സന്തോഷ് കൃഷ്ണൻ തുടങ്ങിയവർ നേതൃത്വം നൽകി. 368 ഇനങ്ങളിൽ 83 സ്കൂളുകളിലെ 5000 പ്രതിഭകൾ 12 വേദികളിൽ മാറ്റുരയ്ക്കും.