അടിമാലി ഉപജില്ല ശാസ്ത്ര, ഗണിതശാസ്ത്ര, സാമൂഹ്യ ശാസ്ത്ര, പ്രവൃത്തി പരിചയമേള 28, 29 തീയതികളില്
1464231
Sunday, October 27, 2024 4:17 AM IST
അടിമാലി: അടിമാലി ഉപജില്ലാ ശാസ്ത്ര, ഗണിത ശാസ്ത്ര, സാമൂഹ്യ ശാസ്ത്ര, പ്രവൃത്തി പരിചയ മേള 28, 29 തീയതികളില് കൂമ്പന്പാറ ഫാത്തിമമാത ഗേള്സ് ഹയര് സെക്കൻഡറി സ്കൂളില് നടക്കും. എണ്പതോളം വിദ്യാലയങ്ങളില്നിന്നുള്ള മൂവായിര ത്തോളം കുട്ടികള് പങ്കെടുക്കും.അടിമാലി ബ്ലോക്ക് പഞ്ചായത്ത് പ്രസിഡന്റ് സോമന് ചെല്ലപ്പന് മേള ഉദ്ഘാടനം ചെയ്യും.
മേളയ്ക്കായുള്ള ഒരുക്കങ്ങള് പൂര്ത്തീകരിച്ചതായി സ്കൂള് അധികൃതര് പറഞ്ഞു. ആദ്യദിനം ശാസ്ത്ര, ഗണിത ശാസ്ത്ര, സാമൂഹ്യ ശാസ്ത്ര മേളകളും രണ്ടാംദിനം ഐടി, പ്രവൃത്തി പരിചയമേളകളും നടക്കും. ഇത് ആറാം തവണയാണ് കൂമ്പന്പാറ ഫാത്തിമമാതാ ഗേള്സ് ഹയര് സെക്കൻഡറി സ്കൂള് മേളയ്ക്ക് ആതിഥേയത്വം വഹിക്കുന്നത്.
നാളെ രാവിലെ 8.30 മുതല് മത്സരങ്ങള്ക്കുള്ള രജിസ്ട്രേഷന് ആരംഭിക്കും. മേള കുറ്റമറ്റരീതിയില് നടത്താനുള്ള ഒരുക്കങ്ങളാണ് സ്കൂളില് നടത്തിയിട്ടുള്ളത്.