നെടുങ്കണ്ടം ഉപജില്ലാ ശാസ്ത്രോത്സവം 29ന് ചെമ്മണ്ണാറില്
1464019
Saturday, October 26, 2024 4:12 AM IST
നെടുങ്കണ്ടം: നെടുങ്കണ്ടം വിദ്യാഭ്യാസ ഉപജില്ലാ ശാസ്ത്രമേള 29 ന് ചെമ്മണ്ണാര് സെന്റ് സേവ്യേഴ്സ് ഹയര് സെക്കൻഡറി സ്കൂളില് നടക്കും. ശാസ്ത്ര, സാമൂഹ്യശാസ്ത്ര, ഗണിതശാസ്ത്ര മേളകളിലായി നെടുങ്കണ്ടം ഉപജില്ലയിലെ വിവിധ സ്കൂളുകളില് നിന്നും ആയിരത്തി അഞ്ഞൂറോളം പ്രതിഭകള് പങ്കെടുക്കും.
മേളയുടെ ഉദ്ഘാടനം ഉടുമ്പന്ചോല ഗ്രാമപഞ്ചായത്ത് പ്രസിഡന്റ് കെ.കെ. സജികുമാര് നിര്വഹിക്കും. സ്കൂള് മാനേജര് ഫാ. ഫ്രാന്സിസ് ചുനയംമാക്കല് അധ്യക്ഷത വഹിക്കും. മേളയുടെ നടത്തിപ്പിനായി അധ്യാപകര്, അനധ്യാപകര്, പിടിഎ ഭാരവാഹികള്, ജനപ്രതിനിധികള് എന്നിവരെ ഉള്പ്പെടുത്തി വിവിധ കമ്മിറ്റികള് രൂപീകരിച്ചു.
ശാസ്ത്രമേളയ്ക്കുള്ള ഒരുക്കങ്ങള് പൂര്ത്തിയായതായി സ്കൂള് പ്രിന്സിപ്പൽ ജോയി കെ. ജോസ്, ഹെഡ്മാസ്റ്റര് വി.ജെ. ബിജു, പ്രോഗ്രാം കണ്വീനര് നോബിള് മാത്യു, ഡിന്റോമോന് ജോസ് എന്നിവര് അറിയിച്ചു.