അയൽവാസിയെ ആക്രമിച്ച കേസിൽ തടവും പിഴയും
1463781
Friday, October 25, 2024 4:02 AM IST
തൊടുപുഴ: കഞ്ഞിക്കുഴി വില്ലേജിൽ കുട്ടപ്പൻസിറ്റി എരിമറ്റത്തിൽ ഫിലിപ്പ്, ഭാര്യ ലീലാമ്മ എന്നിവരെ ആണി തറച്ച പട്ടികയ്ക്ക് ആക്രമിക്കുകയും വധിക്കുമെന്ന് ഭീഷണിപ്പെടുത്തുകയും ചെയ്ത കേസിൽ കഞ്ഞിക്കുഴി മ്രാലയിൽ തോമസിനാണ് തൊടുപുഴ മൂന്നാം അഡീഷണൽ കോടതി ജഡ്ജി മൂന്നുവർഷം തടവും 10,000 രൂപ പിഴയും ശിക്ഷിച്ചത്.
അഡീഷണൽ ജില്ലാ ജഡ്ജി എസ്.എസ്.സീനയാണ് വിധി പ്രസ്താവിച്ചത്. പ്രോസിക്യൂഷനുവേണ്ടി അഡീഷണൽ പബ്ലിക് പ്രോസിക്യൂട്ടർ ജോണി അലക്സ് ഹാജരായി.