വെ​ൺ​മ​ണി​യി​ൽ പു​ലി​യി​റ​ങ്ങി; ആ​ടി​നെ കൊ​ന്ന​താ​യി സം​ശ​യം
Wednesday, October 5, 2022 11:54 PM IST
ചെ​റു​തോ​ണി: വെ​ൺ​മ​ണി​യി​ൽ പു​ലി ആ​ടി​നെ കൊ​ന്ന​താ​യി സം​ശ​യം. തെ​ക്ക​ൻ തോ​ണി​ക്കു സ​മീ​പം പു​ത്ത​ൻ​പു​ര​യ്ക്ക​ൽ സാ​ബു​വി​ന്‍റെ ആ​ടി​നെ​യാ​ണ് ക​ടി​ച്ചു​കൊ​ന്ന നി​ല​യി​ൽ അ​യ​ൽ​വാ​സി​യു​ടെ പ​റ​മ്പി​ൽ ക​ണ്ടെ​ത്തി​യ​ത്.
സ്ഥ​ല​ത്തു ക​ണ്ട കാ​ൽ​പ്പാ​ടു​ക​ളി​ൽ സം​ശ​യം തോ​ന്നി നാ​ട്ടു​കാ​ർ തൊ​ടു​പു​ഴ ഫോ​റ​സ്റ്റ് റെ​യി​ഞ്ചാ​ഫീ​സി​ലും ക​ഞ്ഞി​ക്കു​ഴി പോ​ലീ​സ് സ്‌​റ്റേ​ഷ​നി​ലും വി​വ​ര​മ​റി​ച്ചു. വെ​ൺ​മ​ണി ഫോ​റ​സ്റ്റ് സ്റ്റേ​ഷ​നി​ൽ​നി​ന്ന് വ​ന​പാ​ല​ക​രെ​ത്തി വി​ശ​ദ പ​രി​ശോ​ധ​ന ന​ട​ത്തി. ക​ഞ്ഞി​ക്കു​ഴി സി​ഐ​യും സ്ഥ​ലം സ​ന്ദ​ർ​ശി​ച്ചു. ചൊ​വ്വാ​ഴ്ച വൈ​കു​ന്നേ​രം മു​ത​ലാ​ണ് ആ​ടി​നെ കാ​ണാ​താ​യ​ത്.


വീ​ട്ടു​കാ​രും നാ​ട്ടു​കാ​രും ചേ​ർ​ന്നു ന​ട​ത്തി​യ തെ​ര​ച്ചി​ലി​ൽ ച​ക്കാ​ല​യി​ൽ ആ​ന്‍റ​ണി​യു​ടെ കാ​ടു​പി​ടി​ച്ചു കി​ട​ക്കു​ന്ന പ​റ​മ്പി​ൽ ക​ടി​ച്ചു കൊ​ന്നു ഭ​ക്ഷി​ച്ച നി​ല​യി​ൽ ആ​ടി​ന്‍റെ അ​വ​ശി​ഷ്ട​ങ്ങ​ൾ ക​ണ്ടെ​ത്തി.
വെ​ൺ​മ​ണി​യി​ലെ ജ​ന​വാ​സ മേ​ഖ​ല​യി​ൽ ആ​ടി​നെ കൊ​ന്നു​തി​ന്ന​തു പു​ലി​യാ​ണെ​ന്ന സം​ശ​യം പ്ര​ദേ​ശ​വാ​സി​ക​ളെ ഭീ​തി​യി​ലാ​ഴ്ത്തി​യി​രി​ക്കുകയാ​ണ്.

Copyright @ 2022 , Rashtra Deepika Ltd.