ഹരിപ്പാ​ട്: അമ്മയുടെ മ​ര​ണാ​ന​ന്ത​ര ച​ട​ങ്ങി​നു ത​ലേ​ന്ന് മ​ക​ൻ അ​പ​ക​ട​ത്തി​ൽ മ​രി​ച്ചു.​ആ​റാ​ട്ടു​പു​ഴ മം​ഗ​ലംമ​ന​യി​ൽ വീ​ട്ടി​ൽ പ​രേ​ത​നാ​യ അ​നി​രു​ദ്ധ​ന്‍റെ മ​ക​ൻ അ​നീ​ഷ് (43) ആ​ണ് ബൈ​ക്കു​ക​ൾ  ത​മ്മി​ൽ ഇ​ടി​ച്ചു​ണ്ടാ​യ അ​പ​ക​ട​ത്തി​ൽ  മ​രി​ച്ച​ത്. ശ​നി​യാ​ഴ്ച വൈ​കു​ന്നേ​രം നാ​ലോടെ തൃ​ക്കു​ന്ന​പ്പു​ഴ വ​ലി​യ​ഴി​ക്ക​ൽ റോ​ഡി​ൽ കു​റി​ച്ചി​ക്ക​ൽ  ജംഗ്ഷ​ന്  വ​ട​ക്കു​ഭാ​ഗ​ത്ത് വീ​ടി​ന് മു​ന്നി​ലാ​യി​രു​ന്നു  അ​പ​ക​ടം.

അമ്മ സു​ഭാ​ഷി​ണി​യു​ടെ പതിനാ റടി​യ​ന്ത​ര ച​ട​ങ്ങ് ഞാ​യ​റാ​ഴ്ച 11 മ​ണി​ക്കാ​ണ് നി​ശ്ച​യി​ച്ചി​രു​ന്ന​ത്.​ഇ​തി​ന്‍റെ ഒ​രു​ക്ക​ങ്ങ​ൾ​ക്കാ​യി തൃ​ക്കു​ന്ന​പ്പു​ഴ​യി​ൽനി​ന്നു സാ​ധ​ന​ങ്ങ​ൾ വാ​ങ്ങി ബ​ന്ധു​വി​നോ​ടൊ​പ്പം ബൈ​ക്കി​ൽ വ​രു​മ്പോ​ഴാ​യി​രു​ന്നു അ​പ​ക​ടം.​

വീ​ട്ടി​ലേ​ക്കു​ള്ള വ​ഴി​യി​ലേ​ക്ക് തി​രി​യാ​ൻ തു​ട​ങ്ങു​മ്പോ​ൾ അ​തേ ദി​ശ​യി​ൽ വ​ന്ന ബൈ​ക്ക് പി​ന്നി​ൽനിന്ന്  ഇ​ടി​ച്ചു തെ​റി​പ്പി​ക്കു​ക​യാ​യി​രു​ന്നു. ബൈ​ക്കി​ന്‍റെ പി​ന്നി​ലി​രു​ന്ന  അ​നീ​ഷി​ന്‍റെ ത​ല​യ്ക്കാ​ണ് ഗു​രു​ത​ര പ​രി​ക്കേ​റ്റ​ത്. ബൈ​ക്ക് ഓ​ടി​ച്ച മം​ഗ​ലം ആ​ലു​മ്മൂ​ട്ടി​ൽ വ​ട​ക്ക​തി​ൽ റെജി (44) നി​സാ​ര പ​രി​ക്കു​ക​ളോ​ടെ ര​ക്ഷ​പ്പെ​ട്ടു.

അ​പ​ക​ട​ത്തി​ൽപ്പെ​ട്ട ബൈ​ക്ക് യാ​ത്രി​ക​നാ​യ  നേ​രേ​ശേ​രി​ൽ ഹുസൈ​ന് (20) പ​രി​ക്കേറ്റു. ബൈ​ക്കി​ലു​ണ്ടാ​യി​രു​ന്ന കി​ഴ​ക്കേ പാ​ട്ട​ത്തി​ൽ ഫാ​യി​സ് (19), ക​രീ​ല​ക്കു​ള​ങ്ങ​ര കൊ​ച്ചു​വീ​ട്ടി​ൽ പു​ത്ത​ൻ ക​ണ്ട​തി​ൽ ഹ​ർ​ഷാ​ദ് (17) എ​ന്നി​വ​ർ നി​സാ​ര പ​രി​ക്കു​ക​ളോ​ടെ ര​ക്ഷ​പ്പെട്ടു.

അ​നീ​ഷി​നെ ആ​ല​പ്പു​ഴ മെ​ഡി​ക്ക​ൽ കോ​ള​ജി​ൽ എ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല.​മൃ​ത​ദേ​ഹം ആ​ല​പ്പു​ഴ മെ​ഡി​ക്ക​ൽ കോ​ള​ജ് ആ​ശു​പ​ത്രി മോ​ർ​ച്ച​റി​യി​ൽ. മം​ഗ​ലം ഇ​ട​ക്കാ​ട് ജ്ഞാ​നേ​ശ്വ​രം ക്ഷേ​ത്ര ഭ​ര​ണ​സ​മി​തി അം​ഗ​മാ​ണ്. ഡ്രൈ​വ​റാ​യ അ​നീ​ഷ് അ​വി​വാ​ഹി​ത​നാ​ണ്. സ​ഹോ​ദ​ര​ൻ: ശി​വ​ൻ.