അന്പല​പ്പു​ഴ: വേ​ഗ​ത്തി​ൽ വി​ടപ​റ​ഞ്ഞ പ്രി​യ കൂ​ട്ടു​കാ​രു​ടെ ഓ​ർ​മ​യു​മാ​യി നി​റ​ക​ണ്ണീ​രോ​ടെ അ​വ​ർ ക്ലാ​സ് കേ​ട്ടി​രു​ന്നു. ഇനി ഈ ​കാ​മ്പ​സി​ലു​ള്ള ആ​ർ​ക്കും ഒ​ര​പ​ക​ടം പോ​ലും ഉ​ണ്ടാ​കാ​തി​രി​ക്കാ​ൻ. ജീ​വ​ൻ ന​ഷ്ട​പ്പെ​ടാ​തി​രി​ക്കാ​ൻ. ആ​ല​പ്പു​ഴ മെ​ഡി​ക്ക​ൽ കോ​ള​ജി​ലെ ഒ​ന്നാം വ​ർ​ഷ വി​ദ്യാ​ർ​ഥി​ക​ൾ​ക്കാ​യി മോ​ട്ടോ​ർ വാ​ഹ​നവ​കു​പ്പ് എ​ൻ​ഫോ​ഴ്സ്മെ​ന്‍റിന്‍റെ നേ​തൃ​ത്വ​ത്തി​ലാ​ണ് ഗ​താ​ഗ​തനി​യ​മ ബോ​ധ​വ​ത്്ക​ര​ണ ക്ലാ​സ് സം​ഘ​ടി​പ്പി​ച്ച​ത്.

വാ​ഹ​നാ​പ​ക​ട​ത്തി​ൽ ആറു മെ​ഡി​ക്ക​ൽ വി​ദ്യാ​ർ​ഥി​ക​ൾ അ​തി​ദാ​രു​ണ​മാ​യി മ​ര​ണ​മ​ട​ഞ്ഞ പ​ശ്ചാ​ത്ത​ല​ത്തി​ൽ ഇ​നി​യു​മൊ​രു ദു​ര​ന്തം ഇ​ത്ത​ര​ത്തി​ൽ ഉ​ണ്ടാ​കാ​തി​രി​ക്കാ​നാ​ണ് വി​ദ്യാ​ർ​ഥി​ക​ൾ​ക്കാ​യി ബോ​ധ​വ​ത്കര​ണ ക്ലാ​സ് സം​ഘ​ടി​പ്പി​ച്ച​ത്. ഡി​സം​ബ​ർ രണ്ടിന് ​ക​ള​ർ​കോ​ട് കെഎ​സ്ആ​ർടി​സി ബ​സി​ൽ കാ​റി​ടി​ച്ച് ആ​ല​പ്പു​ഴ മെ​ഡി​ക്ക​ൽ കോ​ളജി​ലെ അഞ്ച് ഒ​ന്നാം വ​ർ​ഷ വി​ദ്യാ​ർഥിക​ളാ​ണ് ത​ൽ​ക്ഷ​ണം മ​രി​ച്ച​ത്.​ മു​ഹ​മ്മ​ദ് അ​ബ്ദു​ൾ ജ​ബ്ബാ​ർ, മു​ഹ​മ്മ​ദ് ഇ​ഖ്ബാ​ൽ, ദേ​വ​ന​ന്ദ​ൻ, ആ​യു​ഷ് ഷാ​ജി, ശ്രീ​വ​ൽ​സ​ൻ എ​ന്നി​വ​രാ​ണ് അ​ന്ന് മ​ര​ണ​മ​ട​ഞ്ഞ​ത്.

ഗു​രു​ത​ര പ​രി​ക്കേ​റ്റ് ചി​കി​ത്സ​യി​ൽ ക​ഴി​ഞ്ഞ ആ​ൽ​ബി​ൻ ഡി​സം​ബ​ർ അഞ്ചിനും ​മ​ര​ണ​പ്പെ​ട്ടു. മ​റ്റ് അഞ്ചു വി​ദ്യാ​ർ​ഥി​ക​ൾ​ക്കു പ​രി​ക്കേ​ൽ​ക്കു​ക​യും ചെ​യ്തി​രു​ന്നു. കേ​ര​ള​ത്തെ ന​ടു​ക്കി​യ ദു​ര​ന്ത​ത്തി​ന്‍റെ പ​ശ്ചാ​ത്ത​ല​ത്തി​ലാ​ണ് ഒ​ന്നാം വ​ർ​ഷ വി​ദ്യാ​ർ​ഥി​ക​ൾ​ക്കാ​യി മോ​ട്ടോ​ർ വാ​ഹ​നവ​കു​പ്പ് ക്ലാ​സ് സം​ഘ​ടി​പ്പി​ച്ച​ത്.

എ​ൻ​ഫോ​ഴ്‌​സ്മെന്‍റ് ആ​ർടി ​ഒ ര​മ​ണ​ൻ ക്ലാ​സ് ന​യി​ച്ചു. കേ​ര​ള​മ​ട​ക്ക​മു​ള്ള സം​സ്ഥാ​ന​ങ്ങ​ളി​ലെ വാ​ഹ​നാ​പ​ക​ട​ത്തെ സം​ബ​ന്ധി​ച്ച ക​ണ​ക്കു​ക​ൾ നി​ര​ത്തി​യും നി​ര​വ​ധി വാ​ഹ​നാ​പ​ക​ട​ങ്ങ​ൾ ഉ​ദാ​ഹ​ര​ണ​മാ​ക്കി​യു​മാ​ണ് ക്ലാ​സ് ന​യി​ച്ച​ത്.

കോ​ള​ജി​ലെ അ​നാ​ട്ട​മി ഹാ​ളി​ൽ ന​ട​ന്ന പ​രി​പാ​ടി​യി​ൽ 170 വി​ദ്യാ​ർ​ഥി​ക​ളും അ​ധ്യാ​പ​ക​രും പ​ങ്കെ​ടു​ത്തു. അ​നാ​ട്ട​മി മേ​ധാ​വി പ്ര​ഫ. മ​ഞ്ജു.​എ​സ് ഉ​ദ്ഘാ​ട​നം നി​ർ​വ​ഹി​ച്ചു. അ​സി​സ്റ്റ​ന്‍റ് മോ​ട്ടോ​ർ വെ​ഹി​ക്കി​ൾ ഇ​ൻ​സ്പെ​ക്ട​ർ​മാ​രാ​യ ച​ന്തു ​സി.​ജി, വ​രു​ൺ.​എ എ​ന്നി​വ​രും പ​ങ്കെ​ടു​ത്തു.